ქართული ოცნების თავმჯდომარე, ირაკლი კობახიძე ერთიანი ნაციონალური მოძრაობის მერი შარლ მიშელის შეთანხმებაზე ხელის მოწერაზე ამბობს, რომ ეს "პოლიტიკური ნეკროფილიის აქტია".

"ეს შეთანხმება რეალურად ანულირებულია ნაცმოძრაობის მიერ, რომელიც 4 თვის განმავლობაში არ აწერდა მას ხელს. ხელი მოაწერა უკვე ანულირებულ დოკუმენტს. ეს იყო, უხეშად და ხატოვნად რომ გამოვთქვათ, პოლიტიკური ნეკროფილიის აქტი, რასაც მსოფლიო პოლიტიკის ისტორიაში არ აქვს ანალოგი", — განაცხადა მან რუსთავი 2-ის ეთერში.

2 სექტემბერს ნაციონალური მოძრაობა მიშელის შეთანხმებას შეუერთდა. დოკუმენტზე ხელმოსაწერად ევროკავშირის წარმომადგენლობის ოფისში პარტიის თავმჯდომარე, ნიკა მელია და სხვა ლიდერები მივიდნენ. ხელმოწერის შემდეგ ნიკა მელიამ განაცხადა, რომ ამ ნაბიჯით მათ ქართული ოცნება შებოჭეს და არ მისცემენ საშუალებას გადაუხვიონ დასავლურ კურსს.