ჩინეთში ონლაინ თამაშების მოყვარულებს ნამდვილად არ გაუმართლათ. ახალი რეგულაციის მიხედვით, 18 წლამდე პირებს თამაში მხოლოდ პარასკევს, შაბათს და კვირას საღამოს 8-დან 9 საათამდე შეეძლებათ. ბავშვებს ერთი საათით თამაშის უფლება ოფიციალურ დასვენების დღეებშიც ექნებათ.

ახალი შეზღუდვის პარალელურად სახელმწიფო ონლაინ თამაშების კომპანიებს კიდევ უფრო მკაცრად გააკონტროლებს. კომპანიები განსაზღვრული დროის გარდა ბავშვებს თამაშის უფლებას ვეღარ მისცემენ. აგრეთვე, ონლაინ ვეღარ ითამაშებენ ადამიანები, რომელთაც რეგისტრაციისას ნამდვილი სახელი არ აქვთ მითითებული.

აღნიშნული აკრძალვის დაწესებამდე 1 თვით ადრე სახელმწიფოს გამგებლობაში მყოფ მედიაში Economic Information Daily გამოქვეყნდა სტატია, რომელიც ამტკიცებდა, რომ ონლაინ თამაშები ბავშვებზე უარყოფით გავლენას ახდენს და მიჯაჭვულობას იწვევს. სტატიაში ონლაინ თამაშები ოპიუმთან იყო შედარებული, თუმცა მოგვიანებით ის წაიშალა და ხელახლა ატვირთულ ვერსიაში ოპიუმთან შედარება აღარ გვხვდება.

აღსანიშნავია, რომ აქამდე ბავშვებს ონლაინ თამაშებისთვის დღეში 90 წუთი ჰქონდათ გამოყოფილი.

ამავე თემაზე: