ამ სამყაროში ალბათ ფერიების, დრაკონების და უნიქორნების არსებობას უფრო მარტივად დავიჯერებთ, ვიდრე იმ ადამიანებისას, ვისაც კიანუ რივზი არ მოსწონს. და თუ ჩვენს მკითხველს შორის ასეთი გამონაკლისი არსებობს, 2 სექტემბერს, დედამიწის ყველაზე კეთილი და მარტოსული ადამიანის დაბადების დღეზე, მასზე რამდენიმე ფაქტს გიამბობთ.

1. როცა ავარიული დაშვების შემდეგ, უცნობებთან ერთად ავტობუსით იმგზავრა და გზაში სახალისო ისტორიებს და ქალაქის შესახებ საინტერესო ფაქტებს უყვებოდა

2. როცა ჩამოთვალა მიზეზები, რის გამოც ვაინონა რაიდერი უყვარს: "იუმორის გრძნობა, ინტელექტი, ხასიათი, სამყაროს აღქმა, ლამაზი შინაგანი სამყარო, კეთილი გული და ნიჭიერება"

ფოტო: ET

ჩვენთვის ასეთი არაფერი უთქვამს, მაგრამ ვაინონას გრძნობებს ვიზიარებთ.

3. 26 წლის წინ, სანამ ოქტავია სპენსერს მსოფლიო გაიცნობდა, მას უკვე ჰქონდა კიანუსთან შეხვედრის ბედნიერება. სპენსერს ქასთინგზე აგვიანდებოდა, როცა გზად მანქანა გაუფუჭდა და მას დახმარება სწორედ რივზმა გაუწია

ამის შესახებ მსახიობმა რამდენჯერმე მოყვა სხვადასხვა შოუში.

4. როცა ინტერნეტმა აღმოაჩინა, რომ ის ქალების პირად სივრცეს ყოველთვის პატივს სცემს და ფოტოს გადაღების დროს ზედმეტად არ ეხება

5. როცა ყველაზე სევდიან კითხვაზე, სტივენ კოლბერტს ასე უპასუხა:

- რა მოხდება, როცა მოვკვდებით?
- იმ ადამიანებს მოვენატრებით, ვისაც ვუყვარვართ.

6. როცა გაირკვა, რომ ძალიან უყვარს სუდოკუ და მის შესაძენად ყოველ კვირას დადიოდა წიგნის მაღაზიაში. თუმცა მისვლამდე 20 წუთით ადრე რეკავდა

7. როცა სცენაზე ყოფნისას ფანის შეძახილს — "აღმაფრთოვანებელი ხარ!" — ასე უპასუხა:

8. როცა ლეკვების დანახვისას ეს რეაქცია ჰქონდა:

ამაზე უფრო მშვენიერი, უბრალო და სიყვარულით აღსავსე რა გინახავთ?

9. როცა ნიუ-იორკის მეტროთი მგზავრობისას ქალს ადგილი დაუთმო

კარგი, ვიცით, რომ ეს ჩვეულებრივი საქციელია და თქვენც ანალოგიურად მოიქცეოდით მის ადგილზე. ანალოგიურად დაგიფასებდით, კიანუ რომ იყოთ.

10. როცა მისდა უნებურად უკრაინული ისტორიის წიგნში ამოყო თავი

ფოტო: thetremba / Twitter

უკრაინული სკოლებისთვის შექმნილ ისტორიის სახელმძღვანელოში სურდათ, რომ მეოცე საუკუნეში გადაღებული ერთ-ერთი ყველაზე ცნობილი ფოტო — სადილი ცათამბჯენზე გამოეყენებინათ. თუმცა, ისტორიის წიგნისთვის შეცდომით ფოტოს ის ვერსია გამოიყენეს, რომელშიც ფოტოშოპის საშუალებით კიანუ რივზი მეთორმეტე მუშადაა ჩამატებული.

ბონუსი: აქვე შეგახსენებთ, რომ შეიძლება ოფიციალური ცნობებით კიანუ რივზი 58 წლის გახდა, მაგრამ არაოფიციალური ცნობებით ის სინამდვილეში უკვდავი ვამპირია.