ერთიანი ნაციონალური მოძრაობის წევრის, რომან გოცირიძის განცხადებით, შარლ მიშელის შეთანხმება მოქმედია და ანულირებული რომ იყოს, მაშინ დღეს ხელმოწერა ვერ მოხდებოდა.

"ევროპისათვის, ევროკავშირისათვის, ამერიკისათვის, მთელი ქართული საზოგადოებისთვის ეს შეთანხმება არის მოქმედი, და ამ მოქმედი შეთანხმების დარღვევა არის დასჯადი, პირველ რიგში, ჩვენი ამომრჩევლის მიერ, ისევე როგორც დასაჯა საქართველოს მთავრობა ევროკავშირმა იმ შეთანხმების დარღვევისათვის, რომელიც სასამართლო რეფორმას ეხებოდა", — განაცხადა გოცირიძემ.

გუშინ, 1-ელ სექტემბერს ნიკა მელიამ სპეციალური ბრიფინგი გამართა და განაცხადა, რომ პარტია შარლ მიშელის დოკუმენტს ხელს მოაწერს.

დღეს, 2 სექტემბერს, აშშ-ს ელჩმა საქართველოში, კელი დეგნანმა განაცხადა, რომ მიესალმება ნაციონალური მოძრაობის გადაწყვეტილებას, 19 აპრილის შეთანხმებაზე ხელის მოწერასთან დაკავშირებით.