პროკურატურა თბილისის მერიის შიდა აუდიტის და მონიტორინგის სამსახურის მიერ მომზადებული 14 დასკვნის საფუძველზე სისხლის სამართლის 13 საქმეს იძიებს, აქედან 3 საქმე კახა კალაძის მერობის პერიოდს უკავშირდება.

"პროკურატურაში აღძრული სისხლის სამართლის 13 საქმიდან კახი კალაძის მერობის პერიოდს მხოლოდ სამი საქმე უკავშირდება. აქედან ერთი შეეხება თანამდებობის პირის მხრიდან თანხის მითვისებას, რასაც ჩვენი მხრიდან მოჰყვა მყისიერი რეაგირება-აღნიშნული პიროვნება გათავისუფლდა დაკავებული თანამდებობიდან და მასალები გადაეგზავნა საგამოძიებო ორგანოს. რაც შეეხება დანარჩენ ორი ფაქტს, საუბარია სამშენებლო ობიექტიდან მასალის მოპარვის შემთხვევაზე და ასევე კონტრაქტორის მხრიდან უხარისხოდ შესრულებულ საქმიანობაზე. სამივე საქმეზე საგამოძიებო პროცესი ჩვენი მოთხოვნით დაიწყო", — განაცხადა ვიცე-მერმა, ირაკლი ხმალაძემ.

მერიის ინფორმაციით, შიდა აუდიტის დასკვნები 2015-2020 წლებშია მომზადებული.