ლელოს ლიდერის, დავით უსუფაშვილის განცხადებით, მოსვენებას არ აძლევს სირცხვილი იმის გამო, რომ წარსულში ქართულ ოცნებას წარმოადგენდა და თანამონაწილე იყო პროცესის, რომლის დასაწყისიც სრულიად განსხვავებული იყო. ასე შესაფასა მან ხელისუფლების მიერ ევროკავშირის მარკოფინანსურ დამხმარებაზე აური.

"საქართველოში აუცილებელია ხელისუფლების შეცვლა, ეს შეცვლა სჭირდება ქართველს ხალხს, "ოცნების" მხარდამჭერებს, შესაძლოა, კიდევ უფრო მეტად სჭირდებათ ხელისუფლების შეცვლა. იმიტომ რომ, რაც დრო გადის მით უფრო სამარცხვინო ხდება უკან მოხედვა.

მე ვარ ერთ-ერთი იმ ადამიანთა შორის, რომელსაც ეს სირცხვილი მოსვენებას არ მაძლევს, რომ მეც "ოცნება" მერქვა 2016 წლებში და ე.ი. მეც თანამონაწილე ვიყავი პროცესის, რომლის დასაწყისი იყო სრულიად სხვა, მიზნები იყო სრულიად სხვა", — განაცხადა უსუფაშვილმა პალიტრანიუსის ეთერში.

მისი თქმით, ევროკავშირის მარკოფინანსური დახმარების მეორე ნაწილზე უარის თქმა საქართველოს წარმოადგენს არასაიმედო ქვეყნად.

"კი, თვითონ კარგად არიან, ეჭვი არ მეპარება. თვითონ არ სჭირდებათ არაფერი, როგორც ჩანს, მაგრამ საქართველოს მოსახლეობის უდიდეს უმრავლესობას ვკითხოთ, არ სჭირდება მეტი დახმარება, გამიზნული სწორედ მცირე ბიზნესის დასახმარებლად. თვითონ სახის გაედასარჩენად და არჩევნების წინ ძალიან სერიოზული ალიყურის ასარიდებლად, ამ სიყალბეს ჩადიან", — განაცხადა მან.

პრემიერმინისტრის, ირაკლი ღარიბაშვილის განცხადებით, გადაწყვეტილი აქვთ, რომ ევროკავშირისგან მაკროფინანსური დახმარების მეორე ნაწილის აღებისგან თავი შეიკავონ, რადგან მთავრობამ დაიწყო საგარეო ვალის შემცირება და ამ თანხის მიღების აუცილებლობა, სავარაუდოდ, აღარ იქნება. მანამდე, 30 აგვისტოს, ქართული ოცნების თავმჯდომარემ, ირაკლი კობახიძემ განაცხადა, რომ ევროკავშირისგან მაკროსაფინანსო დახმარებას "ფინანსური დატვირთვა აღარ აქვს".

ამასთანავე, საქართველოში ევროკავშირის წარმომადგენლობის ხელმძღვანელის მოვალეობის დროებითი შემსრულებლის, ჟულიენ კრამპის განცხადებით, პატივს სცემენ ხელისუფლების გადაწყვეტილებას, არ მიიღოს ევროკავშირის მაკროფინანსური დახმარება, თუმცა აქვე აღნიშნავენ, რომ საქართველომ მისი მიღების პირობები ვერ შეასრულა. ევროკავშირის განცხადებით, საქართველოსთვის გასაცემი დახმარება დამოკიდებული იქნება ძირითადი რეფორმების განხორციელებისას მიღწეულ წინსვლაზე.

24 აგვისტოს, პრემიერ ღარიბაშვილთან შეხვედრის შემდეგ, ევროპული საბჭოს პრეზიდენტმა, შარლ მიშელმა განაცხადა, რომ რეფორმები ახლა ისეა საჭირო, როგორც არასდროს. მისივე თქმით, "მოსალოდნელი მაკროსაფინანსო დახმარების გაცემის ვადა ახლოვდება და დროა, საქართველოს მთავრობამ აჩვენოს, რომ ერთგულია შეთანხმების, განსაკუთრებით რეფორმების ნაწილში".