საკოორდინაციო საბჭოს გადაწყვეტილებით, კვების ობიექტები 22:00 საათამდე იმუშავებენ. ამის შესახებ საბჭოს წარმომადგენელმა, გიორგი ღიბრაძემ ისაუბრა.

"ხვალიდან, 25 აგვისტოდან კვების ობიექტების მუშაობა, ნაცვლად 23:00 საათისა, დასაშვები იქნება 22:00 საათამდე", — განაცხადა ღიბრაძემ.

12 აგვისტოს საკოორდინაციო საბჭომ ახალი შეზღუდვები დააწესა, რომელიც 14 აგვისტოდან 4 სექტემბრამდე, 3 კვირის განმავლობაში იმოქმედებს. კერძოდ:

  • შეიზღუდა მუნიციპალური ტრანსპორტის მოძრაობა, შეზღუდვა არ შეეხო საქალაქთაშორისო ტრანსპორტს;
  • სრულად შეიზღუდა ფესტივალები, მასობრივი ღონისძიებები, კონცერტები და სპორტული შეჯიბრებები, გარდა იმ სპორტული შეჯიბრებებისა, რომელიც იმართება საერთაშორისო ეგიდით;
  • შეიზღუდა ბავშვთა გასართობი ცენტრების მუშაობა;
  • საჯარო უწყებებს ეძლევათ დავალება, მაქსიმალურად გადაიყვანონ თანამშრომლები მუშაობის დისტანციურ რეჟიმზე და ანალოგიური რეკომენდაციით მიმართეს კერძო სექტორს.