AMC-ის საკულტო სერიალი Mad Man-ის მაყურებლებს გემახსოვრებათ ის იდეა, რომელიც კომპანია Sterling Cooper Draper Pryce-ის კრეატიულმა დირექტორმა დონ დრეიპერმა ჰაინცის წარმომადგენლებს გააცნო.

კამპანია, რომელსაც დრეიპერი კეტჩუპის მწარმოებლებს სთავაზობდა, მარტივი და პირდაპირი იყო, პოსტერებზე მხოლოდ სლოგანი და ის საჭმელი იყო გამოსახული, რომელთან ერთადაც ადამიანები კეტჩუპს იყენებენ. Pass Me Heinz - ჰაინცი გადმომაწოდე, ეს იყო სლოგანი.

ფოტო: Heinz

ფოტო: Heinz

სერიალში ჰაინცის წარმომადგენლებმა ეს რეკლამა დაიწუნეს, მათი აზრით ის დაუმთავრებელის შთაბეჭდილებას ტოვებდა და კეტჩუპი საერთოდ არ იყო ნახსენები. ხოლო დონ დრეიპერის აზრი, ჰაინცი კეტჩუპია და დაზუსტება არ უნდაო, არ გაითვალისწინეს.

სამაგიეროდ ეს კამპანია მოეწონა რეალურ ჰაინცს და დრეიპერის შექმნილი ბილბორდები სულ მალე გამოიკვრება ამერიკის მასშტაბით.