ჯანდაცვის მინისტრის, ეკატერინე ტიკარაძის განცხადებით, ხვალ საკოორდინაციო საბჭოზე იმსჯელებენ დამატებით ღონისძიებაზე. ამის შესახებ მან ჟურნალისტებთან ისაუბრა.

"ჩვენ ყოველთვის ვამბობთ, რომ შედეგების შეფასებისთვის საჭირო არის ორი კვირა. ჯერ გასული არის მხოლოდ ერთი კვირა. საჭიროა, რომ დაველოდოთ მიმდინარე მოვლენებს. ასევე, ჩვენ საბჭოზე ხვალ ვიმსჯელებთ სხვა დამატებით ღონისძიებებზე, გამომდინარე იქიდან, თუ რა ეპიდვითარება გვაქვს", — განაცხადა მან.

23 აგვისტოს მონაცემებით, ბოლო 24 საათში ქვეყანაში კორონავირუსის 2 354 ახალი შემთხვევა დადასტურდა, გამოჯანმრთელდა 5 200, ხოლო გარდაიცვალა 60 ადამიანი. ქვეყანაში სულ აცრილია 979 813 პირი, ხოლო დღიურად აცრილთა რაოდენობამ დღეს 17 670 შეადგინა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: