ჯანდაცვის მინისტრის, ეკატერინე ტიკარაძის განცხადებით, აჭარასა და თბილისში კორონავირუსის მატების სტაბილიზაციაა, ხოლო არსებული მონაცემებით, სხვა რეგიონებში ჯერ აღმავალი ტალღაა მოსალოდნელი.

"აქედან გამომდინარე, მნიშვნელოვანი არის, რომ ჰოსპიტალური სექტორი იყოს მაქსიმალურად გაძლიერებული იმ რეგიონებში, სადაც აღმავალი ტალღა არის მოსალოდნელი", — აცხადებს ის.

მისივე თქმით, ერთ-ერთი ასეთი რეგიონია კახეთი, რის გამოც დაგეგმილია ჰოსპიტალურ სექტორთან შეხვედრა, რათა მათი მხრიდან ყველა საჭირო ინფრასტრუქტურული რესურსი იყოს მობილიზებული.

23 აგვისტოს მონაცემებით, ბოლო 24 საათში ქვეყანაში კორონავირუსის 2 354 ახალი შემთხვევა დადასტურდა, გამოჯანმრთელდა 5 200, ხოლო გარდაიცვალა 60 ადამიანი.