აბაშის მუნიციპალიტეტეში, სოფელ გულეიკარში მოზარდს ეძებენ. როგორც ბავშვის ახლობლები On.ge-სთან საუბრისას აცხადებენ, ის მდინარე რიონში დღის სამ საათზე შევიდა, რის შემდეგაც სამაშველო გამოიძახეს, რომელიც ადგილზე დაგვიანებით მივიდა.

"მოვიდნენ რაღაც 2 ნავით, შევიდნენ, გაიარეს, გამოიარეს და იმის მერე სხედან. სამი ბავშვი შევიდა, ორს ვიღაცებმა მოუსწრეს და ერთი ჩაიძირა. ეძებენ ახლა. მაშველები რომ ადრე მოსულიყვნენ, სავარაუდოდ, უფრო ადრე იპოვიდნენ ბავშვს, დააღამეს და შემდეგ მოვიდნენ", — აცხადებენ ჩვენთან საუბრისას.

On.ge მომხდარზე საგანგებო სიტუაციების მართვის სამსახურსაც დაუკავშირდა. უწყებაში გვითხრეს, რომ სამძებრო მოქმედებები აქტიურ რეჟიმში მიმდინარეობს და ჩართულია სპეციალური ტექნიკა, მათ შორის, დრონი. რაც შეეხება დაგვიანებაზე, საგანგებოში აცხადებენ, რომ შეტყობინების მიღებისთანავე მოახდინეს რეაგირება.