მეუფე საბა აცრაზე: არ გავხდეთ ფანატიკოსი მღვდლების პროპაგანდის ნაწილი

20 Aug. 2021, 23:48

ვირუსი არის ფიზიკური დაავადება, კერძოდ, კორონავირუსზე მაქვს საუბარი და სხვა ვირუსებზე, და არა სულიერი დაავადება. პირველ რიგში შევთანხმდეთ ამაზე, რომ ეს არ უნდა განვიხილოთ, როგორც საღვთისმეტყველო საკითხი, არამედ ეს არის სამედიცინო საკითხი. ამიტომ თავიდანვე და დღესაც ვიმეორებთ და ვამბობთ, რომ ვირუსთან დაკავშირებით ინფორმაცია ჩვენ უნდა მოგვაწოდონ ექიმებმა და დღევანდელ დღეს ვაქცინასთან დაკავშირებით მედიკოსები უნდა საუბრობდნენ და არა სასულიერო პირები.

სამწუხაროდ, არის სასულიერო პირთა ნაწილი, რომელიც ვირუსის დემონიზებას ახდენს. მათი სიტყვით, შესაძლებელი ხდება, რომ შეიძლება ადამიანები მოკვდნენ იმის გამო, რომ დაუჯერონ მათ სიტყვას, არ აიცრან და გახდნენ ამ საზარელი ვირუსის მსხვერპლი.

მე რატომ მეკითხები აცრის შესახებ, რაც მე არ მეხება. აცრა არ არის რელიგიური საკითხი, არამედ არის მედიკოსების საკითხი. თუ დღეს მსოფლიოში მედიცინის მუშაკები მოგვიწოდებენ იმისკენ, რომ კორონავირუსთან ბრძოლის ერთ-ერთი საშუალება არის აცრა, მაშინ, უნდა ვუსმინოთ მათ სიტყვას, თუ გვინდა რომ ჩვენ გადავარჩინოთ ჩვენი ხორციელი სიცოცხლე, ჩემო კარგებო. და არ გავხდეთ იმ ფანატიკოსი მღვდლების პროპაგანდის ნაწილი, რომლებიც მოუწოდებენ ადამიანებს, რომ არ აიცრან და შეიძლება მათი სიცოცხლე ფატალურად, სიკვდილით დამთავდეს, თუკი მათ დაუჯერებენ.

ბოლო ამბები:

მეუფე საბა მეუფე საბა აცრაზე: არ გავხდეთ ფანატიკოსი მღვდლების პროპაგანდის ნაწილი

კომენტარები

კვირის ტოპ-5

გირჩევთ

ახლა კითხულობენ

ტვ "იმედი": "იმედს" არანაირი, მათ შორის არც ფინანსური პრობლემა არ ექნება