დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, შარშან ორსულის კორონავირუსით გარდაცვალების ერთი შემთხვევა დაფიქსირდა, წელს — 8. ამის შესახებ მან ვებინარზე ისაუბრა.

"ორსულთა სიკვდილიანობა, მოგეხსენებათ, არის ერთ-ერთი ინდიკატორი ქვეყნის და ჯანდაცვის სისტემის განვითარების, კოვიდის პერიოდში, სამწუხაროდ, მოიმატა ორსულთა გარდაცვალების შემთხვევებმა და ჩვენც გვაქვს საქართველოში, განსაკუთრებით წელს. შარშან გვქონდა ერთი შემთხვევა, წელს უკვე დადასტურებული 8 არის და მე-9 გახლავთ შესწავლის სტადიაში", — განაცხადა მან.

დღეს ჯანდაცვის მინისტრის მოადგილემ, თამარ გაბუნიამ ისაუბრა, რომ ფაიზერის ვაქცინა ყველა ორსულმა უნდა გაიკეთოს და რაც უფრო სწრაფად გააკეთებს ამას, უკეთესია.

გაიგეთ მეტი: