მეიჯერელ საქართველოს გუნდი აცნობიერებს თითოეული მოქალაქის როლს პანდემიის დასრულების რთულ საქმეში, ამიტომ კომპანიაში უსაფრთხოების შენარჩუნებისა და ვაქცინაციის წასახალისებლად არაერთი ღონისძიება დაიგეგმა.

მეიჯერელში სრულად აცრილ ყოველ თანამშრომელს ერთჯერადი ბონუსი გადაეცემა. გარდა ამისა, კომპანია წლის ბოლომდე რამდენჯერმე ჩაატარებს სპეციალურ ლატარიას და ისეთ პრიზებს გაათამაშებს, როგორებიცაა: სკუტერი, Airpods, Apple watch, Marshall Speaker, ფოტოაპარატი Instax Mini 11, Iphone 12 და ა.შ. კომპანიის რეგიონალური პანდემიის მენეჯერი გუნდთან ერთად აქტიურად უჭერს მხარს თანამშრომლებს, აწვდის მათ საჭირო ინფორმაციას COVID-19-ის, უსაფრთხოებისა და ვაქცინაციის შესახებ და ეხმარება ყოველ მსურველს გადაწყვეტილების მიღებაში.

მეიჯერელში ფიქრობენ, რომ პანდემიის დასრულება მხოლოდ ერთიანი ძალებით და ვაქცინაციითაა შესაძლებელი. საზოგადოების თითოეულ წევრს შეუძლია, წვლილი შეიტანოს ცხოვრების ჩვეული რიტმის დაბრუნებაში, ამასთან ერთად კი, დაიცვას საკუთარი თავი და საყვარელი ადამიანები. პანდემიის დაწყებიდან უმოკლეს ვადებში მეიჯერელმა ყველა საჭირო ღონისძიება ჩაატარა თანამშრომლებისათვის უსაფრთხო და კომფორტული სამუშაო პროცესის უზრუნველსაყოფად:

  • 2020 წლის დეკემბრიდან ყველა თანამშრომელს, რომელსაც კორონავირუსი უდასტურდება, იზოლაციის პერიოდის შესამსუბუქებლად კომპანია Wolt-ის 240-ლარიან ვაუჩერს გადასცემს;
  • პანდემიის თანმდევ სტრესთან გასამკლავებლად, მეიჯერელი ნებისმიერი თანამშრომლისათვის პროფესიული ფსიქოლოგიური კონსულტირების მომსახურებას აფინანსებს;

კომპანიის ოთხივე ოფისში მკაცრადაა დაცული ყველა რეკომენდაცია.