ზოგიერთი ფობია ადამიანთა დიდ ნაწილს აწუხებს და ყოველდღიურ ცხოვრებაში ხელს უშლის, ზოგიერთი კი იმდენად იშვიათი და ამოუხსნელია, რომ მათი არსებობაც კი ძნელად დასაჯერებელია. ყველაზე გავრცელებულ ფობიებსა და იშვიათ შიშებს ერთი საერთო მაინც აქვთ, ისინი ძირითადად ტრავმული გამოცდილებების შედეგად ყალიბდება.

გახსოვდეთ, საგნების, სიტუაციებისა თუ შეგრძნებების პანიკური შიში, რომელიც ყოველდღიურ ცხოვრებაში ხელს გიშლით, სპეციალისტის დახმარებით უნდა მართოთ. ამ სტატიაში კი 8 ყველაზე იშვიათი და უცნაური ფობიის შესახებ წაიკითხავთ, რომელთა შესახებაც, შესაძლოა, აქამდე არც კი გსმენიათ.

1. აბლუტოფობია

აბლუტოფობია იგივე დაბანის შიშია, რომელიც ხშირად ტრავმული გამოცდილების შედეგია და ძირითადად ბავშვებს აქვთ. ასაკის მატებასთან ერთად, ადამიანთა უმეტესობა შიშის გადალახვას ახერხებს, თუმცა თუ ასე არ მოხდა, სპეციალისტის დახმარებაა საჭირო.

2. არაქიბუტიროფობია

არაქისის კარაქის სასაზე მიკვრის შიშიც არსებობს და მისი საფუძველი დახრჩობის, პირის ვერგაღების შიშია. ამ ფობიისთვის გვერდის ავლა მარტივია, მაგრამ არა მათთვის, ვისაც არაქისის კარაქის გემოს არაფერი ურჩევნია.

3. არითმოფობია

მათემატიკის სიძულვილს ამ ფობიით ნუ გაამართლებთ, მაგრამ გეტყვით, რომ არითმოფობია მათემატიკური ამოცანების შიშია. ეს მათემატიკური სიმბოლოების შიშით არ გამოიხატება, უფრო ისეთი სიტუაციებისას მოგვრილი შფოთვით, რომელიც ამოხსნის პროცესს გულისხმობს. გამომწვევი მიზეზი ანჩხლი მასწავლებელი, კლასის წინაშე განცდილი უხერხულობა თუ მკაცრი მშობლები შეიძლება იყვნენ.

4. ეიზოფტროფობია

ეს ფობია ბევრად შემაწუხებელია, ვიდრე ზემოთ ჩამოთვლილი შიშები და ის სარკეების, უფრო მწვავე შემთხვევაში კი ნებისმიერი ამრეკლავი ზედაპირის პანიკურ შიშს გულისხმობს. მისი ერთ-ერთი მთავარი გამომწვევი მიზეზი სარკესთან დაკავშირებული ცრურწმენებია, თუმცა ფობიის საფუძველი დაბალი თვითშეფასებაც შეიძლება გახდეს. დილაობით სარკეში ჩახედვა უმეტესობას აკრთობს, თუმცა თუ თვლით, რომ ფობია გაწუხებთ, აუცილებლად მიმართეთ სპეციალისტს.

5. ომპალოფობია

გაგიკვირდებათ, მაგრამ ჭიპის შიშიც არსებობს და ადამიანები, რომელთაც ეს ფობია აწუხებთ, სანაპიროებსაც კი ერიდებიან. მწვავე შემთხვევებისას ადამიანი საკუთარ ჭიპსაც კი პლასტირით ფარავს, რათა ვერ დაინახოს. ის შეიძლება დაკავშირებული იყოს ტრიპოფობიასთან (ხვრელების შიში) ან გადატანილი ინეფქციის შედეგად განვითარდეს. თუ ომპალოფობია თქვენთვისაც გადაულახავი დაბრკოლებაა, სპეციალისტს მიმართეთ.

6. ოფტოფობია

ოფტოფობია იშვიათი, მაგრამ ერთ-ერთი ყველაზე ხელისშემშლელი შიშია, რადგან ის თვალის გახელის შიშს გულისხმობს და ყოველდღიურობაზე პირდაპირი გავლენა აქვს. ფობია, ძირითადად, ტრავმული გამოცდილების შედეგად ყალიბდება და ადამინები, რომელთაც ეს შიში აწუხებთ, ერიდებიან დღის სინათლეს, ბნელ ადგილებს ეძებენ და ამის გამო არაერთი თანმდევი პრობლემაც აწუხებთ, როგორიც შფოთვა, პანიკური შეტევა, დეპრესიული განწყობა და მენტალური ჯანმრთელობის სხვა პრობლემებია. თუ თვლით, რომ ოფტოფობიის ნიშნები გაქვთ, სჯობს სპეციალისტთან ერთად მართოთ.

7. ნომოფობია

ტელეფონებზე დამოკიდებულება იშვიათ შემთხვევებში ნომოფობიას — უტელეფონოდ ყოფნის შიშს იწვევს. მისი მწვავე ფორმა ტელეფონის დაჯდომის ან იმ იდეის წარმოდგენის პანიკური შიშიც კი არის, რომ შეიძლება უტელეფონოდ დარჩე. სმარტფონები ჩვენი ყოველდღიურობის განუყოფელი ნაწილი გახდა და მისი გარკვეული დროით არქონა დისკომფორტს გვიქმნის, თუმცა თუ ნომოფობია გაწუხებთ, სპეციალისტის ჩარევა აუცილებელია.

8. პლუტოფობია

თუ დანაზოგის გაკეთებას ვერაფრით ახერხებთ, შეგიძლიათ თავი იმით იმართლოთ, რომ პლუტოფობია — სიმდიდრისა და ფინანსური სტაბილურობის შიში გაქვთ. ფობიის გამომწვევი მიზეზი იმ პასუხისმგებლობის შიშია, რაც დიდძალი თანხის ქონას მოსდევს, კიდევ ერთი საფუძველი ის განცდაა, რომ სიმდიდრე მომხვეჭელი ადამიანების სამიზნედ გაქცევთ.

Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.