სტრატეგია აღმაშენებლის თავმჯდომარე, გიორგი ვაშაძე ადგილობრივი თვითმმართველობის არჩევნებში კანდიდატი არ იქნება. ამის შესახებ პარტიის ერთ-ერთმა ლიდერმა, სერგო ჩიხლაძემ განაცხადა.

"შემიძლია დანამდვილებით გითხრათ, 100%-იანი ალბათობით, რომ გიორგი ვაშაძე არ იქნება არსად წარმოდგენილი — არც მაჟორიტარობის კანდიდატად, არც მერობის კანდიდატად", — განაცხადა სერგო ჩიხლაძემ.

მისივე ინფორმაციი, პარტიას ყველა დიდ ქალაქში ეყოლება საკუთარი კანდიდატი, მათ ვინაობას კი აგვისტოს ბოლოს გაასაჯაროებენ. ჟურნალისტის კითხვას, იქნებიან მათ შორის პარტიის ისეთი ცნობადი ლიდერები, როგორებიც, მაგალითად თვითონ ან პაატა მანჯგალაძე არიან, ჩიხლაძემ ასე უპასუხა:

"დიდი ალბათობით არა".

ადგილობრივი თვითმმართველობის არჩევნები 2 ოქტომბერს გაიმართება.