საქართველოს ეროვნული ოლიმპიური ნაკრების მთავარ ექიმს, ზურაბ კახაბრიშვილს ქართული სპორტსმენების მიმართ გაწეული შრომა დაუფასდა. მას დღეს არქიმ თბილისში საჩუქრად ბინა გადასცა.

როგორც ფეისბუქზე საქართველოს სპორტის მედიცინის ასოციაცია წერს, ზურაბ კახაბრიშვილმა არ იცოდა, რა სიურპრიზი ელოდა, როდესაც კომპანიის ოფიში მიიყვანეს. მას თან ოლიმპიური ჩემპიონი ლაშა ტალახაძე ახლდა.

კახაბრიშვილმა საზოგადოების განსაკუთრებული ყურადღება ლაშა ბექაურის ასპარეზობისას მიიპყრო. ოლიმპიურმა ჩემპიონმა მას საჯაროდ გადაუხადა მადლობა. ბექაურმა ასპარეზობამდე 1 თვის ადრე მხარის ტრავმა მიიღო და არ იცოდა, შეძლებდა თუ არა ოლიმპიადაში მონაწილეობას.

"ზურაბ კახაბრიშვილი მსოფლიოში საუკეთესო ექიმია, რადგანაც როცა ერთი თვის წინ ბუდაპეშტში მხარი დავიზიანე, ძალიან გვეშინოდა, რომ ტოკიოს ოლიმპიადაში ვერ ჩავერთვებოდი. მისი წყალობით, დღეს თავს საუცხოოდ ვგრძნობდი და შევძელი, რომ ძიუდოში ჩემი შესაძლებლობები მეჩვენებინა. ახლა კი, ოლიმპიური ჩემპიონიც ვარ, ცხოვრება მშვენიერია!"