შრომის ინსპექციამ თბილისში, გლდანის რაიონში 10 000 ლარით დააჯარიმა რესტორანი, სადაც ქორწილი იმართებოდა. ამის შესახებ უწყებაში On.ge-ს განუცხადეს.

"შრომის ინსპექტორთა ჯგუფმა დღეს არანებადართული ეკონომიკური საქმიანობა გამოავლინა კონკრეტულად გლდანში, ხიზანიშვლის ქუჩაზე, სადაც იურუდიული პირი ახორციელებდა არანებადართულ ეკონომიკურ საქმიანობას, კერძოდ, ადგილი ჰქონდა სოციალურ ღონისძიებას, ქორწილს და მის მიმართ გატარდა კანონით განსაზღვრული ღონისძიება, განისაზღვრა ფულადი სანქცია 10 ათასი ლარის ოდენობით", — აცხადებენ შრომის ინსპექციაში.

საკოორდინაციო საბჭოს 9 აგვისტოს გადაწყვეტილებით, სოციალური ღონისძიებების მასპინძლობისთვის კვების ობიექტი თუ სარიტუალო დარბაზის მფლობელი პირველ ჯერზე 10 000 ლარით დაჯარიმდება, ხოლო განმეორების შემთხვევაში შესაბამისი ობიექტი დაილუქება.