ბოლო 24 საათში კორონა ვირუსით გარდაცვლილ 54 პაციენტს შორის ერთ-ერთი 28 წლის ორსული ქალია. ის ქუთაისში კოვიდცენტრ ბომონდში მკურნალობდა.

"საკმაოდ მძიმე მდგომარეობაში იყო, ორმხრივი მწვავე პნევმონიითა და სუნთქვის უკმარისობით. იმყოფებოდა რეანიმაციულ განყოფილებაში, ექიმების მცდელობის მიუხედავად, სამწუხაროდ, მძიმე მდგომარეობიდან გამომდინარე ვერ მოხერხდა პაციენტის გადარჩენა", — განუცხადეს კლინიკაში On.ge-ს.

კლინიკაში ამბობენ, რომ 1 000-მდე ორსული პაციენტი ჰყავთ მიღებული და ეს გარდაცვალების პირველი შემთხვევაა.

10 აგვისტოს მონაცემებით, საქართველოში კორონავირუსის 5697 შემთხვევა დადასტურდა, გარდაიცვალა 54 ადამიანი. დაავადებათა კონტროლის ცენტრის ინფორმაციით, ბოლო 24 საათში გამოჯანმრთელდა 2 713 ადამიანი.