სარეცხი მანქანა ერთ-ერთი ყველაზე გავრცელებული საოჯახო ნივთია, რომელიც თითქმის ყველს აქვს. დაახლოებით ერთი საუკუნეა, რაც ეს გამოგონება საოჯახო საქმეს გვიმარტივებს და მნიშვნელოვნად გვეხმარება დროის დაზოგვაში. სარეცხი მანქანის დიზაინი წლებთან ერთად იხვეწება და ადამიანებისთვის მისი ვიზუალიც ისეთივე მნიშვნელოვანია, როგორც ტექნიკური მახასიათებლები, კიდევ ერთი მოთხოვნა ენერგოეფექტურობაა.

ამ სტატიაში 8 სარეცხ მანქანას ნახავთ, რომლებიც საკუთარი ვიზუალით გაგაოცებთ.

1. სარეცხი მანქანა მაცივრის ვიზუალით

ფოტო: SMEG

SMEG-ის მაცივრები რეტრო ტექნიკის საუკეთესო ნიმუშია. ოვალური ფორმები და მკვეთრი ფერები თანამედროვე სახლის საინტერესო დეტალად შეიძლება იქცეს. სარეცხი მანქანა, რომელსაც კლასიკური მაცივრის ვიზუალი ექნება ასევე საინტერესოა და ვიზუალურად არანაკლებ მიმზიდველი.

2. ენერგოეფექტური სარეცხი მანქანა

ფოტო: AppliancesOnline

ამ სარეცხი მანქანის მთავარი ღირსება რეცხვისას გამოყენებული წყლის უნიტაზის ჩასარეცხად გამოყენებაა, რაც წყლის ხარჯს ამცირებს და გარემოს უფრთხილდება. კიდევ ერთი პლიუსი საცხოვრებელი სივრცის დაზოგვაა, რაც პატარა ბინაში იდეალურია.

3. სარეცხი მანქანა თამაშების მოყვარულთათვის

ფოტო: Lee-Wei Chen

თუ სარეცხი მანქანის ლოდინი გეზარებათ, შეგიძლიათ თავი თამაშით შეიქციოთ. ეს ჭკვიანური და მხიარული გადაწყვეტილება უნივერსიტეტის სტუდენტს ეკუთვნის, რომელსაც რეცხვა ეზარებოდა და ეს პროცესი გართობის ნაწილად აქცია.

4. სარეცხის რეცხვა თევზებთან ერთად

ფოტო: Electrolux

კორეელი დიზაინერის, ჩან იოპ ჯონგის კონცეპტუალური სარეცხი მანქანა ტანსაცმელს რობოტი თევზების დახმარებით რეცხავს. თევზები მკვდარ უჯრედებს და ჭუჭყს უმკლავდებიან და უსაფრთხო რეცხვას უზრუნველყოფენ. ასე ქიმიური მასალის გამოყენება არ გიწევთ.

5. სარეცხი მანქანა მათთვის, ვინც სულ გზაშია

ფოტო: SuitSuit

თუ მოგზაურობა იმდენად ხშირად გიწევთ, რომ რეცხვასაც კი ვერ ასწრებთ, უბრალოდ ტანსაცმელი სარეცხ მანქანაში შეყარეთ და თან გაიყოლეთ. ეს სარეცხი მანქანა იდეალურია მათთვის, ვინც სულ გზაშია.

6. სარეცხი მანქანა, რომელიც თქვენზე და თქვენს ტანსაცმელზე თანაბრად ზრუნავს

ფოტო: BWM

თუ ვარჯიშისთვის დრო არ გაქვთ ან გეზარებათ, ეს რეცხვის ხათრით მაინც უნდა ქნათ. ამ ჭკვიანური დიზაინის შემქმნელი ადამიანის ჯანმრთელობას და სისუფთავეს ერთდროულად უფრთხილდება.

7. სარეცხი მანქანა მომავლის ადამიანებისთვის

ფოტო: Bauknecht

ალბათ მომავალში მოგზაურობისას მსგავს სარეცხ მანქანას ყველა ოჯახში ნახავთ. მისი მიზანი მხოლოდ ტექნიკური მახასიათებლების დაკმაყოფილება კი არა, სახლის დიზაინთან ჰარმონიული შერწყმაც არის.

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს. აქ სარეცხი მანქანების დიდი არჩევანი დაგხვდებათ.