ერთ-ერთი ყველაზე ცნობილი ანიმაციური სერიალის Rick and Morty (რიკი და მორტი) მეხუთე სეზონი დასასრულს უახლოვდება, თუმცა ერთგულ მაყურებელს წინ მოულოდნელად სასიამოვნო სიურპრიზი ელოდება.

Adult Swim-ის ამ საკულტო შოუს მეხუთე სეზონის მერვე ეპიზოდის პრემიერა სულ ცოტა ხნის წინ შედგა. ამ სეზონში სულ ათი სერია იქნება, ოღონდ მეათე, ფინალური ეპიზოდი განსაკუთრებული იქნება: მისი ხანგრძლივობა, ტრადიციული ოცი წუთის ნაცვლად, ერთი საათი იქნება, რაც პირველი შემთხვევაა ამ სერიალის ისტორიაში.

უკვე გამოქვეყნდა ამ ფინალური სერიის ტრეილერიც:

მართალია, ერთსაათიანი ეპიზოდი მნიშვნელოვანი ამბავია ერთგული ფანებისთვის, მაგრამ, სამწუხაროდ, ამ სიახლეს ერთი ნაკლებად სასიამოვნო ფაქტიც ახლავს: მისი პრემიერა თითქმის ერთი თვის შემდეგ, 5 სექტემბერს შედგება.

თუ ჯერ არ გინახავთ, მანამდე შეგიძლიათ მოლოდინი ქვემოთ მოცემული სპეციალური ეპიზოდით შეიმსუბუქოთ, რომელიც ანიმეს სტილში იაპონელ ანიმატორ ტაკაში სანოსთან თანამშრომლობით შეიქმნა: