ჯანდაცვის მინისტრის მოადგილე, თამარ გაბუნია აცხადებს, რომ განახლდება თუ არა სწავლა საგანმანათლებლო სივრცეში დამოკიდებულია მომდევნო სამ კვირაზე და იმაზე, როგორ განვითარდება ეპიდემიოლოგიური ვითარება და ვაქცინაციის პროცესი. მისი შეფასებით, ამაზე საუბარი ჯერ ნაადრევია.

"სექტემბრამდე ჯერ კიდევ წინ აგვისტოს 3 კვირა გვაქვს. ჩვენ ვფიქრობთ, რომ ამ სამი კვირის მანძილზე შესაძლებელი იქნება განათლების სამინისტროსთან ერთად აქტიური ვაქცინაცია და ამაზე იმედი გვაქვს, რომ საგანმანათლებლო სისტემის თანამშრომლები აქტიურად ჩაერთვებიან ვაქცინაციის პროცესში. დღეს დილით დაიწყო სპეციალური გამოყოფილი სივრცეები, არის საგანმანათლებლო სისტემის პედაგოგიური პერსონალისთვისა და ასევე სხვა პირებისთვის.

მაგალითად, თბილისის სახელმწიფო სამედიცინო ბაზაზე მოქმედი მასიური ვაქცინაციის ცენტრში, სადაც დღეს პირველი ჯგუფი გაიხსნა. რეგისტრაციის გარეშე, წინასწარ ორგანიზებული ახსნით. იგივე მოხდება ქვეყნის ყველა სხვა რეგიონში, იმისთვის, რომ ყველა სხვა საგანმანათლებლო სექტორს, თანამშრომლებს, ჰქონდეთ მინიმალური ბარიერი ვაქცინაზე ხელმისაწვდომობის. შემდეგ ყველაფერი სხვა დამოკიდებული იქნება იმაზე თუ ეპიდემიოლოგიური სურათი, როგორ განვითარდება, ამიტომ დღეს ნაადრევია, ამაზე საუბარი, იქნება მომდევნო სამი კვირა ჩვენთვის მნიშვნელოვანი", — თქვა გაბუნიამ.

ჟურნალისტის კითხვაზე, გახდება თუ არა საგანმანათლებლო დაწესებულებებში აცრები სავალდებულო, გაბუნია პასუხობს, რომ ვაქცინაცია მხოლოდ ნებაყოფლობითია.

"ამაზე არაერთხელ გვქონდა საუბარი დღეს ამ ეტაპზე განიხილება, მხოლოდ გადაწყვეტილების საფუძველზე, პირის საკუთარი არჩევანით და ნებით ვაქცინაცია. რა თქმა უნა, წარმოდგენილი მაქვს, რომ ყველას ესმის, რაოდენ მნიშვნელოვანია ეს და, შესაძლოა, მეტი საგანმანათლებლო მუშაობა იყოს საჭირო რაღაც შემთხვევაში. უბრალოდ, ადამიანი გადაწყვეტილებას ვერ იღებს ვაქცინაციის პროგრამაში ჩართვისთვის", — აღნიშნა გაბუნიამ.