პრეზიდენტის ადმინისტრაციაში საქართველოს კონსტიტუციის "სახალხო განხილვა" ამ წუთებში იწყება. შეხვედრას არ ესწრებიან ქართული ოცნების დეპუტატები და მთავრობის წევრები.

პრეზენტაციას "კონსტიტუცია ყველასია" პრეზიდენტი გიორგი მარგველაშვილი გახსნის, კამპანიის მიზნებსა და სამოქმედო გეგმის შესახებ პრეზიდენტის ადმინისტრაციის უფროსი გიორგი აბაშიშვილი ისაუბრებს. შეხვედრაზე კამპანიის ლოგოს, სლოგანისა და ვიდეო რგოლის პრეზენტაცია გაიმართება.

კამპანიის მიზანია კონსტიტუციის შექმნის პროცესში ხალხის ჩართულობა და მოქალაქეთა მონაწილეობის წახალისება. ასევე, კონსტიტუციის შესახებ საზოგადოებაში ცნობიერების ამაღლება.

კამპანიას ეწინააღმდეგება პარლამენტის თავჯდომარე ირაკლი კობახიძე და მას უპატივცემულო ნაბიჯად აფასებს.