Metro-Goldwyn-Mayer-მა ცოტა ხნის წინ რიდლი სკოტის ახალი ფილმის, House of Gucci-ის პირველი ოფიციალური ტრეილერი გამოაქვეყნა. ფილმი, რომელშიც მთავარ როლებს ლედი გაგა და ოსკარის ორგზის ნომინანტი, ადამ დრაივერი, ასრულებენ, ცნობილი მოდის სახლის მმართველი ოჯახის ისტორიის ერთ-ერთი ყველაზე დრამატული, კრიმინალური და ტრაგიკული ეპიზოდის შესახებ მოგვითხრობს.

"სიყვარულის, ღალატის, დაცემის, შურისძიების და მკვლელობის 30-წლიანი დრამა" იმაზე ჰყვება, თუ რას ნიშნავს რეპუტაცია და რისი გაკეთება შეუძლია სახელგანთქმულ ოჯახს მის დასაცავად.

ფილმის სცენარი ბეკი ჯონსტონსა და რობერტო ბენტივენას ეკუთვნის, ისტორია კი სარა გეი ფორდენის 2001 წლის წიგნს — გუჩის სახლი: მკვლელობის, შეშლილობის, მომხიბვლელობისა და სიხარბის ამბავს — ეფუძნება.

ფოტო: Lady Gaga / Twitter

ფილმში ლედი გაგას გარდა ალ პაჩინო და ჯარედ ლეტოც (რომელიც წლებია, გუჩის სარეკლამო კამპანიებში მონაწილეობს) გამოჩნდებიან. აღსანიშნავია, რომ კინონამუშევარში ეპიზოდური როლი განასახიერა ქართველმა მსახიობმა, ლუკა ჩიქოვანმაც.

ლუკა ჩიქოვანი გადასაღები მოიდნიდან ფოტოებს ავრცელებს.

ფოტო: Luca Chikovani

House of Gucci-ის პრემიერა 2021 წლის ნოემბერშია დაგეგმილი.

ასევე იხილეთ: