ამერიკელი დიპლომატი, ჯო ბაიდენის ცენტრის დირექტორი და საგარეო-პოლიტიკურ საკითხებში ჯო ბაიდენის ყოფილი მრჩეველი, მაიკლ კარპენტერი აცხადებს, რომ ქართული ოცნების მიერ შეთანხმების ანულირება სამწუხაროა.

"ევროკავშირის შუამავლობით მიღწეულმა შეთანხმებამ ხელი შეუწყო კანონის უზენაესობის, პოლიტიკური ინკლუზიურობისა და თანაბარი პირობების მხარდაჭერას. სამწუხაროა იმის ნახვა, რომ მმართველი პარტია გავიდა შეთანხმებიდან" — წერს ის ტვიტერზე.

28 ივლისს ქართულმა ოცნებამ განაცხადა, რომ შარლ მიშელის შეთანხმება ანულირებულია. პარტიის თავმჯდომარის, ირაკლი კობახიძის თქმით, შეთანხმებას მხოლოდ თავად ასრულებენ, რაც არასწორად მიაჩნიათ. მან ოპოზიციას დააბრალა შეთანხმების არშესრულება. ამასთან, მისივე თქმით, ქართული ოცნება უარს ამბობს აქამდე დაპირებულ 43%-იან ბარიერზე და აცხადებს, რომ ახალი არჩევნები მათი "კეთილი ნებით" 53%-ის მიღების შემთხვევაშიც ჩატარდება, თუ გადაწყვეტენ, რომ ოპოზიცია მზად არის კოალიციური მმართველობისთვის.

გაიგეთ მეტი: