შეთანხმების მოშლა ნიშნავს, რომ "ოცნება" 2024 წლის საპარლამენტო არჩევნებამდე რჩება ხელისუფლებაში — ISFED
ორგანიზაცია სამართლიანი არჩევნების აღმასრულებელი დირექტორი, ნინო დოლიძე აცხადებს, რომ ქართული ოცნების მიერ შარლ მიშელის შეთანხმების ანულირება ნიშნავს, რომ რიგგარეშე არჩევნები არ იქნება.
"ზოგადად ხომ არ ებმის ადგილობრივი არჩევნები საპარლამენტოს. ეს შეთანხმება იყო აქ მთავარი ამბავი და შეთანხმებაზე უარის თქმა ნიშნავს ყველაფრის ანულირებას [...] ფაქტობრივად ნიშნავს იმას, რომ რაც არ უნდა შედეგი დადოს ქართულმა ოცნებამ, ისინი 4 წლის ვადით მაინც რჩებიან ხელისუფლებაში, ანუ 2024 წლის საპარლამენტო არჩევნებამდე", — აცხადებს დოლიძე.
რაც შეეხება შესაძლო 53%-იან ბარიერს, რომელზეც ქართული ოცნება გვპირდება, რომ "კეთილი ნებით" მიიღებს გარკვეული პირობების შესრულების შემთხვევაში, დოლიძე ფიქრობს, რომ ოპოზიცია ამას არ დასთანხმდება.
"საერთოდ არ მგონია, რომ 43%-ის იქეთ რაიმე პროცენტზე მოლაპარაკებები იქნება. ეს იყო დიდხნიანი მოლაპარაკებების [შედეგი] და ჩვენი დასავლელი პარტნიორების [მუშაობის] შედეგად მიღწეული შეთანხმება. ახლა უკვე არარეალისტური მგონია რაღაც სხვა პროცენტებზე საუბარი, რომელსაც სხვა პოლიტიკური პარტიები დაეთანხმებიან. ამიტომ, ეს მსჯელობა მოკლებულია არგუმენტებს", — ამბობს დოლიძე.
ქართული ოცნების დღევანდელ განცხადებას სამართლიანი არჩევნების აღმასრულებელი დირექტორი აფასებს, როგორც დასავლელი პარტნიორებისთვის თვალში ნაცრის შეყრას.
"ეს არის, ფაქტობრივად, ჩვენი დასავლელი პარტნიორებისთვის თვალში ნაცრის შეყრა. ჩვენი დასავლელი პარტნიორების, ევროკავშირის და აშშ-ს მედიაციით ამდენი ხნის კრიზისის შემდეგ მივაღწიეთ შეთანხმებას პოლიტიკურ პარტიებს შორის, რომელსაც უნდა დაელაგებინა ქვეყანაში სიტუაცია [...] გამოდის რომ ჩვენი დასავლელი პარტნიორების ყველა ამ მცდელობას ხაზი გადაუსვეს. ამას, დარწმუნებული ვარ, მოჰყვება ძალიან დიდი კრიტიკა ჩვენი დასავლელი პარტნიორების მხრიდან", — აცხადებს ნინო დოლიძე.
ნინო დოლიძე ყურადღებას ამახვილებს იმაზე, რომ ეს იყო არა მხოლოდ პოლიტიკურ პარტიებს შორის დადებული ხელშეკრულება, არამედ პასუხისმგებლობა მოსახლეობის წინაშე. ის ამბობს, რომ ქართულმა ოცნებამ მეორედ მოატყუა ქართველი ხალხი.
"მნიშვნელოვანია, რომ ეს ხელშეკრულება არ არის მარტო პოლიტიკურ პარტიებს შორის აღებული ვალდებულება, ეს არის საქართველოს მოსახლეობის წინაშე აღებული ვალდებულება და გამოდის, ქართულმა ოცნებამ ქართველი ხალხი კიდევ ერთხელ მოატყუა. ჩვენ ვნახეთ, როდესაც ერთხელ როდესაც შეჰპირდა პროპორციულ არჩევნებს და მოატყუა და ახლა, როდესაც შეჰპირდა, რომ ამ შეთანხმებას შეასრულებდა ქართველი ხალხის წინაშე აღებული ვალდებულებაც არ შეასრულა", — განაცხადა ნინო დოლიძემ.
აღსანიშნავია, რომ ქართულმა ოცნებამ მიშელის შეთანხმების ანულირება 2020 წლის საპარლამენტო არჩევნების შემსწავლელი კომისიის დასკვნას დააფუძნა. ნინო დოლიძე აცხადებს, რომ კომისია "ფაქტობრივად ერთპარტიული" იყო და მისი დასკვნები სანდო ვერ იქნება.
"10 თვის შემდეგ ზეპირსიტყვიერი გამოკითხვით და 20 უბნის გადათვლით, მათ მიერ დადებული დასკვნა საერთოდ მოკლებულია დასაბუთებას და სანდოობას საერთოდ არ იმსახურებს", — ამბობს ნინო დოლიძე.
ნინო დოლიძე ამბობს, რომ საქართველოში მიმდინარე პროცესებს აკვირდებიან ჩვენი დასავლელი პარტნიორები და ევროპული საბჭოს პრეზიდენტის, შარლ მიშელის შეთანხმების დარღვევა უარყოფითად აისახება ქვეყნის იმიჯზე.
რამდენიმეთვიანი პოლიტიკური კრიზისის შემდეგ ევროკავშირის მედიაციითა და შარლ მიშელის პირადი ჩართულობით მიღწეული შეთანხმება ანულირებულია. ეს გადაწყვეტილება მმართველმა გუნდმა მიიღო, ბრალი კი ტრადიციულად ოპოზიციას დასდო.
გაიგე მეტი:
-
გადახედვაკალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის კალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვაბჟანიას გადადგომის მოთხოვნით სოხუმში აქტივისტი შიმშილობს ბჟანიას გადადგომის მოთხოვნით სოხუმში აქტივისტი შიმშილობს
-
გადახედვაჯიფსი როუზი ციხის დატოვებიდან 3 თვის შემდეგ განქორწინდა ჯიფსი როუზი ციხის დატოვებიდან 3 თვის შემდეგ განქორწინდა
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვავენერაზე სიცოცხლის "საშენი მასალის" არსებობა შესაძლებელია — კვლევა ვენერაზე სიცოცხლის "საშენი მასალის" არსებობა შესაძლებელია — კვლევა
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
კომენტარები