საქართველოს ახალგაზრდა იურისტთა ასოციაციის თავმჯდომარე, ნიკა სიმონიშვილი ვარაუდობს, რომ მთავარი არხის გაყიდვების სახლში საგადასახადო სამსახური შესვლა, შესაძლოა, "გარკვეულ პოლიტიკურ განცხადებებს" უკავშირდებოდეს.

"ის, რომ პოლიტიკური მიზნებისთვის აი ეს ინსტრუმენტები ხელისუფლებას გამოუყენებია უკვე, ახალი არ არის. ადრეც გვინახავს ჩვენს მსგავსად გამოყენებული აი ეს ინსტრუმენტები. ჩვენ ადრეც გაგვიკეთებია ამ საკითხთან დაკავშირებით შეფასება, რომ გარკვეული პოლიტიკურ პროცესებს უკავშირდებოდა და მათ შორის, წინასაარჩევნოდ ხდებოდა.

დღესაც, ჩვენ ვხედავთ, რომ ისევ იგივე ხდება. იგივე ხდება კრიტიკული მედიის მიმართ. რა თქმა უნდა, ეს კიდევ უფრო მეტად გვიჩენს კითხვებს, რომ ეს შესაძლებელია გარკვეულ პოლიტიკურ განცხადებებს და გადაწყვეტილებებსაც უკავშირდებოდეს", — განაცხადა ნიკა სიმონიშვილმა.

მთავარი არხის დირექტორის, ნიკა გვარამიას განცხადებით, მთავარი არხის გაყიდვების სახლში საგადასახადო სამსახური შევიდა