ვარსკვლავური ომების სამყაროს სერიალის — The Mandalorian-ის მეორე სეზონის ფინალში ფილმების ერთ-ერთი მთავარი გმირის — ლუკ სკაიუოკერის გამოჩენამ უამრავი გულშემატკივარი გაახარა. მიუხედავად ამისა, საზოგადოების ნაწილმა ჩათვალა, რომ გაახალგაზრდავებული მარკ ჰემილი ბუნებრივად არ გამოიყურებოდა, რამაც მათი უკმაყოფილება გამოიწვია. სწორედ ამ დროს გამოჩნდა ცნობილი Deepfake იუთუბერი, სახელად Shamook.

Shamook-მა ლუკ სკაიოუკერის ბუნებრივად გასაახალგაზრდავებლად Deepfake ტექნოლოგია გამოიყენა და ვარსკვლავური ომების სამყაროს გულშემატკივართა დიდი მოწონებაც დაიმსახურა. იუთუბერის მიერ დეკემბერში გამოქვეყნებულ ვიდეოში, რომელსაც 2 მილიონზე მეტი ნახვა აქვს, კარგად დაინახავთ განსხვავებას სერიალისა და თავად იუთუბერის მიერ შექმნილ ლუკს შორის:

იუთუბერის ნამუშევარი იმდენად კარგი აღმოჩნდა, რომ ეს ვარსკვლავური ომების სამყაროს შემქმნელ კომპანია Lucasfilm-საც არ გამოჰპარვია. Lucasfilm-მა ნიჭიერ ხელოვანს შვილობილ კომპანიაში Industrial Light and Magic-ში სამსახური შესთავაზა. ამის შესახებ სიახლე იუთუბერმა თავის გამომწერებს ბოლო ვიდეოს კომენტარებში გაუმხილა, რაც თავად Lucasfilm-მაც დაადასტურა.

"Industrial Light and Magic ყოვეთვის ეძებს ნიჭიერ არტისტებს და კომპანიამ ნამდვილად დაასაქმა ხელოვანი, რომელიც ონლაინ სივრცეში Shamook-ის სახელითაა ცნობილი", — ამბობს Lucasfilm-ის წარმომადგენელი.

Deepfake-ის ტექნოლოგია ხელოვნური ინტელექტის საშუალებით გამოგონილი მოვლენების ამსახველი კონტენტის (ვიდოების, ფოტოების) შექმნას გულისხმობს. ეს, რა თქმა უნდა, ხელოვანებისთვის მნიშვნელოვანი ხელსაწყოა, თუმცა მიუხედავად ამისა, სამწუხაროდ, Deepfake ხშირად ყალბი ინფორმაციის გავრცელების საშუალებაც ხდება.

ამავე თემაზე: