მელორი ტაუერსის სკოლა — ადგილი საოცნებო თავგადასავლებისთვის
"ეცადეთ, ბევრი წაიღოთ აქედან", — ამბობს გოგოების სკოლა-პანსიონის დირექტორი, მშვიდი, ჭაღარათმიანი, კამკამა ლურჯთვალებიანი ქალი, ქალბატონი გრეილინგი.
რომელ გოგოს არ უოცნებია ისეთ სასწავლებელში მოხვედრაზე, სადაც ისწავლიდა და იცხოვრებდა კიდეც, საუკეთესო მეგობრებს შეიძენდა, სხვა მოსწავლეებივით სპეციალურ სასკოლო ფორმაში გამოეწყობოდა და პანსიონში თავსგადამხდარ ამბებზე მშობლებს მისწერდა წერილს.
ცნობილი და ყველასათვის საყვარელი ბრიტანელი მწერლის, ენიდ ბლაიტონის მოთხრობების სერია მელორი ტაუერსის სკოლის და იქ მცხოვრები გოგოების შესახებ შესანიშნავი არჩევანია მკითხველისთვის, რომელთაც მოსწონთ ამბები სკოლა-პანსიონების შესახებ. სხვადასხვა გამოცდილების, ხასიათის თავისებურებებისა და მისწრაფებების მქონე გოგოებს მელორი ტაუერსში ერთი რამ აერთიანებთ — ყველას უწევს შრომა სიძნელეების გადასალახავად და წარმატების მისაღწევად, ჰარმონიული ურთიერთობებისა და მეგობრობის მოსაპოვებლად თუ შესანარჩუნებლად და შეცდომების გამოსასწორებლად.
მელორი ტაუერსის რომანების მიხედვით BBC-მ 2020 წელს მინისერიალი გადაიღო.
კორნუოლის სადგური ბოლო გაჩერებაა, აქედან კი მელორი ტაუერსი არც ისე შორსაა. რაც უფრო უახლოვდება მატარებელი კორნუოლს, გოგოებში ღელვა იმატებს — ნეტა როგორია მელორი ტაუერსი, როგორ გამოიყურება ის საოცნებო ადგილი, სადაც ახალი, აქამდე უჩვეულო, შესანიშნავი ცხოვრება უნდა დაიწყონ?!
მელორი ტაუერსის კლდეზე აგებული დიდებული შენობა ოთხ კოშკს მოიცავს და გარს შემოვლებული უზარმაზარი გალავნით სასახლეს მოგაგონებთ; კოშკის კედლები სუროებითაა დაფარული და ფანჯრებიდან ზღვის დიდებული ხედები იშლება. ოთხივე კოშკი, რომლებშიც გოგოები უნდა განაწილდნენ, ერთმანეთს ძალიან ჰგავს. მოსწავლეებს ევალებათ, საუზმობამდე საწოლი გაასწორონ და საღამოს დროულად დაიძინონ, კარგად ისწავლონ და ერთმანეთზე იზრუნონ. მელორი ტაუერსში დაუწერელი კანონიც არსებობს, რომლის დარღვევა არავის არ უნდა: "თუ ვინმე ღამით დანარჩენებს უმიზეზოდ შეაწუხებს და ძილის საშუალებას არ მისცემს, გარიყავენ და ხმას არ გასცემენ". დიახ, დიახ — წესები ყველგან მნიშვნელოვანია, განსაკუთრებით კი იმ ადგილას, სადაც 250 გოგო სწავლობს.
უკვე დამტკიცდა სერიალის მეორე და მესამე სეზონებიც, მათი გადაღებები კი წლის მიწურულს დაიწყება.
ის რაც, მელორი ტაუერსის პანსიონს სხვა სკოლებისგან გამოარჩევს, სკოლაში დამკვიდრებული ღირებულებებია. სკოლის დირექტორის, ქალბატონი გრეილინგის მისასალმებელი სიტყვა ახალწვეულებისადმი იმ ფასეულობებს გამოხატავს, რომლებიც არასოდეს ძველდება, ყოველთვის აღგვაფრთოვანებს და რომლებსაც მელორი ტაუერსში განუხრელად იცავენ:
გაიცანით წიგნის მთავარი გმირები: დარელ რივერსი სამართლიანი, კეთილი გოგოა, სელი ჰოუფი — გულისხმიერი და დინჯია, პატარა მარი-ლუ მოშინაურებულ თაგუნიას ჰგავსო, ამბობს მასზე ერთ-ერთი იქაური მოსწავლე და ნამდვილად შესაფერისი ეპითეტია, თუმცა, როცა საჭიროა, მიამიტ და მშიშარა მარი-ლუს სიმამაცის გამოვლენაც არ უჭირს; გონდოლინა ლეისი ქერათმიანი, დედისერთა, ცოტა თავკერძა გოგოა, თუმცა მელორი ტაუერსში ცხოვრება მის ხასიათსაც ცვლის თანდათან; და ალისია — სკოლის პოპულარული გოგო, ყველა მასთან მეგობრობაზე რომ ოცნებობს, კარგად რომ სწავლობს და მხიარულია, მაგრამ ზოგჯერ განსაკუთრებული ენამწარობით გამოირჩევა და ოინების მოფიქრებაშიც ბადალი არ ჰყავს.
მელორი ტაუერსის სერიის მეორე, მესამე და მეოთხე წიგნებში ახალი პერსონაჟები ჩნდებიან, რაც იმას ნიშნავს, რომ პანსიონში ცხოვრება უფრო საინტერესო ხდება და თავგადასავლებიც იმატებს.
მეხუთე წიგნს სულაკაურის გამომცემლობა აგვისტოს პირველ ნახევარში გამოსცემს. მკითხველს, რომელმაც უკვე შეიყვარა მელორი ტაუერსის პერსონაჟები, შეუძლია ცხელი აგვისტო ისევ გაატაროს წიგნის საყვარელ გმირებთან ერთად, მელორი ტაუერსის ნაცნობ და დიდებულ გარემოში. ალბათ ყველას ერთი სული აქვს გაიგოს, კიდევ რა ამბები მოხდება ჩრდილოეთის კოშკში!..
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
კომენტარები