ნაციონალური მოძრაობის დეპუტატი, ანა წითლიძე კოლეგას, დეპუტატ ლევან მგალობლიშვილს სასამართლოში უჩივის. წითლიძემ On.ge-ს უთხრა, რომ მგალობლიშვილის წინააღმდეგ სარჩელს სიტყვიერი და ფიზიკური შეურაცხყოფისთვის ამზადებს.

საუბარია 12 ივლისს, პარლამენტის პლენარულ სხდომაზე განვითარებულ მოვლენებზე, როცა ოპოზიციონერი დეპუტატი ქალები ტრიბუნასთან გავიდნენ და როგორც თავად წითლიძე ამბობს, მისი ბლოკირება სცადეს. ამას დარბაზში დაძაბულობა და დეპუტატებს შორის სიტყვიერი შეურაცხყოფა მოჰყვა.

ლევან მგალობლიშვილმა ნაციონალური მოძრაობის დეპუტატ კაცებს ასე მიმართა:

"თქვენი ქალები არ არიან? მოკიდეთ [ხელი] და წაიყვანეთ".

მას შემდეგ, რაც წითლიძემ ამ ფრაზის განმარტება მოითხოვა, მგალობლიშვილმა სცადა მისთვის ტელეფონის წაერთვა, რომლითაც წითლიძე ფეისბუქლაივში იყო გასული.

აღსანიშნავია, რომ ლევან მგალობლიშვილის წინააღმდეგ დღეს სარჩელი სასამართლოში არა, თუმცა პარლამენტის ეთიკის საბჭოში შეიტანა წითლიძის თანაპარტიელმა, დეპუტატმა თინა ბოკუჩავამ.

ბოკუჩავას შემთხვევაში საუბარია 18 ივლისს, შინაგან საქმეთა მინისტრის, ვახტანგ გომელაურის პარლამენტში ვიზიტისას მომხდარ დაპირისპირებაზე, რა დროსაც ქართული ოცნების დეპუტატი კაცები ნაციონალური მოძრაობის წევრი ქალების პროტესტს ხელს ფიზიკური ძალის გამოყენებით უშლიდნენ.

გაიგე მეტი: