ვაკო ავალიანი რუსთავი 2-ისა და Prime Time-ის ჰოლდინგის ერთ-ერთი დირექტორი გახდა. საჯარო რეესტრის მიხედვით, ეს ცვლილება ძალაში 20 ივლისს შევიდა.

როგორც Prime Time-ის დამფუძნებელი, თაკო ფხაკაძე On.ge-სთან საუბრისას ამბობს, ჰოლდინგში არაფერი არ იცვლება, გარდა იმისა, რომ ავალიანი პოლიტიკურ-საინფორმაციო მიმართულების დირექტორი იქნება.

"გადაწყვეტილება მივიღეთ იმიტომ, რომ ალბათ მოგეხსენებათ, კერძო მფლობელისთვის მთავარი ინტერესი არის რეიტინგი, ამიტომ ადამიანები, ვინც ამ წუთას ვმუშაობთ, ვერ ვყოფნით პროდაქშენსაც და საინფორმაციოსაც. მის მოსვლამდე ორივე ერთად იყო და დაგვჭირდა, რომ გამიჯვნა გაგვეკეთებინა ამ მიმართულებების. ცვლილება ის იქნება, რომ ძალიან გვინდა სექსტემბრიდან მაღალი რეიტინგი დავწეროთ", — განაცხადა მან.

მედია ჰოლდინგის დირექტორის თანამდებობას იკავებს ზაზა გველესიანიც. როგორც საჯარო რეესტრის ამონაწერიდან ირკვევა, თავადაპირველად მის ხელმძღვანელად Prime Time-ის დამფუძნებელი, თაკო ფხაკაძე იყო მითითებული. მოგვიანებით კი, ცვლილებები განხორციელდა და ახალი დირექტორი გველესიანი გახდა.

15 ივლისს ავალიანმა მაესტროს აღმასრულებელი დირექტორის თანამდებობა დატოვა. მან Facebook-ზე დაწერა, რომ არხზე გია გაჩეჩილაძე ბრუნდება, ტელევიზიის ახალი პრიორიტეტები კი მისთვის მიუღებელია.

ამავე თემაზე: