ჟურნალისტთა საერთაშორისო და ევროპულმა ფედერაციებმა განცხადება გაავრცელეს, სადაც წერია, რომ ისინი მხარს უჭერენ საქართველოს გაერთიანებული პროფკავშირების მოწოდებას, საქართველოს საზოგადოებრივმა მაუწყებელმა სამსახურში დააბრუნოს ჟურნალისტი ლაშა მესხი. ფედერაციები ეყრდნობიან პროფკავშირების გაერთიანებას, რომლებიც ამბობენ, რომ მესხი გახდა "მსხვერპლი".

როგორც ფედერაციების განცხადებაში წერია, ლაშა მესხი იყო მედიის პროფკავშირების ხელმძღვანელი და საზოგადოებრივი მაუწყებლის თანამშრომელთა წარმომადგენელი, საზოგადოებრივმა მაუწყებელმა კი 13 მოკლევადიანი ხელშეკრულების მქონე თანამშრომლიდან მხოლოდ მასთან არ გააგრძელა თანამშრომლობა.

ჟურნალისტთა საერთაშორისო და ევროპული ფედერაციები საქართველოს პროფკავშირების ინფორმაციაზე დაყრდნობით ამბობენ, რომ ლაშა მესხი დისკრიმინაციული მოპყრობის მსხვერპლი გახდა მას შემდეგ, რაც აქტიურად აპროტესტებდა მაუწყებელში დაგეგმილ რეფორმებს.