"ეს არის გზავნილი, რომელიც გამოხატავს სტრატეგიული პარტნიორის სერიოზულ შეშფოთებას და არ უნდა იყოს აღქმული, როგორც ნაჩქარევად გაკეთებული განცხადება", — განაცხადა საქართველოში აშშ-ის ელჩმა, კელი დეგნანმა, დღეს ჟურნალისტებთან საქართველოში მიმდინარე პროცესებზე აშშ-ის სახელმწიფო დეპარტაენტის შეფასების კომენტირებისას.

"სანქციები არის ერთ-ერთი მრავალ ინსტრუმენტს შორის. საელჩომ, სახელმწიფო დეპარტამენტმა, ასევე სახელმწიფო მდივანმა გააკეთა განცხადება, რომ ჩვენ ვართ ღრმად იმედგაცრუებულნი, რომ მიუხედავად ჩვენი ჩართულობისა, რომ ეს პროცესი დროებით შეჩერებულიყო, ეს არ მოხდა. საქართველოს პოლიტიკურმა ლიდერებმა, მათ შორის მმართველმა პარტიამ დადეს პირობა და შეთანხმდნენ, რომ ეს პროცესი შეჩერდებოდა 19 აპრილის შეთანხმების თანახმად და პარლამენტს ჰქონდა ამისი უფლებამოსილება, რომ შეეჩერებინა. განცხადებები, რაც გაკეთდა სახელმწიფო დეპარტამენტის, საელჩოს და სახელმწიფო მდივნის მიერ, ეს არ არის ნაჩქარევად გაკეთებული განცხადებები, ეს არის გზავნილი, რომელიც გამოხატავს სტრატეგიული პარტნიორის სერიოზულ შეშფოთებას და არ უნდა იყოს აღქმული, როგორც ნაჩქარევად გაკეთებული განცხადება", — განაცხადა დეგნანმა.