ევროკავშირის ელჩი საქართველოში, კარლ ჰარცელი საოკუპაციო რეჟიმის მიერ უკანონო პატიმრობაში მყოფი ზაზა გახელაძის გათავისუფლებით მოხარულია და აცხადებს, რომ მსგავსი ქმედებები დაუშვებელია.

"მიხარია რომ ზაზა გახელაძე დღეს ოჯახში ბრუნდება. უკანონო დაკავებები დაუშვებელია. მიხარია, რომ ევროკავშირმა ევროკავიშირის წარმომადგენლობის ცხელი ხაზისა და IPRM შეხვედრების საშუალებით ხელი შეუწყო ამ დადებით შედეგს", — წერს ის.

საოკუპაციო რეჟმის მიერ უკანონოდ დაკავებული ზაზა გახელაძე 14 ივლისს გაათავისუფალეს. ის დე ფაქტო რეჟიმის ე.წ. ციხეში ერთი წლის განმავლობაში იმყოფებოდა. გახელაძე დე ფაქტო პრეზიდენტმა, ანატოლი ბიბილოვმა შეიწყალა.

გახელაძე ერთი წლის წინ კასპში ჯერ ცეცხლსასროლი იარაღით დაჭრეს, შემდეგ კი გაიტაცეს. რუსული მხარის მტკიცებით, გახელაძემ ცეცხლი პირველმა გახსნა. თუმცა, რადიო თავისუფლების ინფორმაციით, სასამართლო პროცესზე ერთ-ერთმა მოწმემ თქვა, რომ ზაზა გახელაძეს დამიზნებით არ უსვრია.

გახელაძეს დე ფაქტო ხელისუფლებამ ბრალი წაუყენა რუსეთის სისხლის სამართლის კოდექსის ორი მუხლით — "სიცოცხლის ხელყოფის მცდელობა" და "სახელმწიფო საზღვრის უკანონოდ გადაკვეთა".

ოკუპირებული ცხინვალის ე.წ. სასამართლომ მას 5 თებერვალს 12 წლითა და 6 თვით უკანონო პატიმრობა მიუსაჯა.