5 ივლისს დაჭრილმა პოლონელმა ტურისტმა კლინიკა დატოვა. ინფორმაციას ამის შესახებ ტურიზმის ადმინისტრაცია ავრცელებს.

თბილისში, ხეთაგუროვის ქუჩაზე პოლონელი 5 ივლისს ტურისტი დაჭრე. თვითმხილველმა On.ge-ს უთხრა, რომ დაპირისპირების მიზეზი ტურისტის მიერ საყურის ტარება გახდა. მოგვიანებით, შსს-მ გაავრცელა განაცხადა, რომ ბრალდებულს, რომელსაც ამჟამად აღკვეთის ღონისიძიების სახით პატიმრობა აქვს შეფარდებული, ფსიქიკური ჯანმრთელობის პორბლემები აქვს. შინაგან საქმეთა მინისტრის მოადგილემ, ალექსანდრე დარახველიძემ გამორიცხა, რომ ტურისტის დაჭრა შესაძლოა ამავე დღეს დაგეგმილ ღირსების მარშთან ყოფილიყო დაკავშირებული.

ღირსების მარშის საწინააღმდეგოდ, ჰომოფობიურმა და ძალადობრივმა ჯგუფებმა აქციები გამართეს. 5-6 ივლისს ჯამში 50-ზე მეტ ჟურნალისტს, სამოქალაქო მოძრაობების ოფისებსა და მშვიდობიან მოქალაქეებს დაესხნენ თავს. ამ მოვლენების გამო სამოქალაქო საზოგადოებისა და ოპოზიციის ნაწილი შინაგან საქმეთა მინისტრის პასუხისმგებლობის საკითხის დაყენებას ითხოვს, რადგან მიაჩნიათ, რომ მან ვერ უზრუნველყო მშვიდობიანი მოქალაქეების და ჟურნალისტების უსაფრთხოების დაცვა.