დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, დელტა შტამის შემთხვევებმა საქართველოში მოიმატა. მისი თქმით, წინა კვირაში გამოვლინდა 25 და ჯამში, დაახლოებით, 52.

"იმატებს, წინა კვირაში გვქონდა 25 ახალი შემთხვევა, სულ სადღაც 52-ია. კიდევ კვლევაში არის დამატებითი შემთხვევები. ეს არაფერი გასაკვირი არ არის, იმიტომ, რომ დელტა შტამი ევროპულ ქვეყნებში თანდათან ანაცვლებს ალფა შტამს. პროგნოზი გახლავთ, რომ სადღაც აგვისტოს შუა რიცხვებში, ბოლოს საბოლოოდ ჩაანაცვლებს. საქართველო, ჩვენ ვართ გლობალური სამყაროს ნაწილი და მისგან დაცული არ ვართ", — თქვა მან.

8 ივლისის მონაცემებით, საქართველოში კორონავირუსის 1 043 ახალი შემთხვევა დადასტურდა, გამოჯანმრთელდა 841, ხოლო გარდაიცვალა — 20 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: