დეკანოზ ილია ჭიღლაძის განცხადებით, მიტროპოლიტი იოანე გამრეკელი ახალი კაიაფა მღველმთავარია. მისი თქმით, ძალადობრივ აქციაზე მან არა მხოლოდ იძალადა ფორმულას ჟურნალისტ რატი წვერავაზე, არამედ ცილისწამებაც იკადრა.

"ამასთან ერთად, ისაა ერეტიკოსი (მწვალებელი), რადგან ქრისტეს მიერ დასრულებული მოსეს რჯულის, ანუ ძველი აღთქმის კანონების გაცოცხლებას ცდილობს ეკლესიაში და ძალადობის რელიგიურ საფუძველზე გამართლება დაკანონებას. მღვდელმთავარი იოანე გამრეკელი ქრისტიანიც კი აღარაა, ისაა ახალი კაიაფა მღვდელმთავარი, რომელიც უარყოფს ახალ აღთქმის სულს და ძველი აღთქმის კანონების და მენტალიტეტის დაბრუნებას ცდილობს, რელიგიური ფანატიზმის და ძალადობის ასაღორძინებლად", — წერს ის საკუთარ Facebook-ზე.

მეუფე იოანე ამტკიცებს, რომ 5 ივლისს ფორმულას ჟურნალისტმა, რატი წვერავამ "საროჩკა" თვითონ შემოიხია და ჩხუბი დაიწყო. ფორმულას ჟურნალისტს, რატი წვერავას ჰომოფობიურმა და ძალადობრივმა ჯგუფის წევრებმა 5 ივლისს გამართულ ძალადობრივ კონტრაქციაზე სცემეს. ჟურნალისტის თქმით, მას სასულიერო პირები ურტყამდნენ და ფიზიკურად უსწორდებოდნენ. სრულად დამტვრეულია ტექნიკაც. როგორც რატი წვერავამ On.ge-სთან ისაუბრა, მასზე ძალადობას უყურებდა მეუფე იაოანე გამრეკელი, თუმცა რეაქცია არ ჰქონია.