შვედურმა არასამთავრობო ორგანიზაციამ, ცისარტყელას ფონდმა თბილისი პრაიდს სოლიდარობა გამოუცხადა დონაციით ფული შეუგროვა. როგორც მათ განცხადებაშია აღნიშნული უკვე შეგროვებულია დაახლოებით 50 000 ლარი.

თავდაპირველად ფონდმა საკუთარ ვებგვერდზე გამოაქვეყნა განცხადება, სადაც აღწერდა, როგორ განვითარდა მოვლენები თბილისში. ისინი საუბრობდნენ ჟურნალისტებსა და აქტივისტებზე ძალადობაზე და აღნიშნავდნენ რომ ლგბტ თემს საქართველოში მხარდაჭერა სჭირდება, რადგან "პრემიერმინისტრი, ირაკლი ღარიბაშვილიც ამტკიცებს, რომ "მოსახლეობის უმრავლესობა წინააღმდეგია პრაიდის ჩატარებისა". მათივე თქმით, თბილისი პრაიდს დახმარება სჭირდებოდა ოფისის აღსადგენად და მუშაობის გასაგრძელებლად.

ფოტო: Regnbågsfonden

ამ განცხადების შემდეგ კი ფონდის ფეისბუქგვერდზე გაავრცელეს ინფორმაცია, თუ რა სახის თანხა შეგროვდა.

"სულ რაღაც რამდენიმე საათში ცისარტყელას ფოდნმა შეაგროვა 130 000 კრონზე მეტი (ჯერჯერობით). ეს ფული დაეხმარება თბილისი პრაიდს ფეხზე წამოდგომაში, ლგბტქ აქტივისტების დაცვასა და იურიდიული მომსახურების გაწევაში", — წერია მათ განცხადებაში.