ჯანდაცვის მინისტრის მოადგილე, თამარ გაბუნია აცხადებს, რომ საქართველოს მონაცემებით, ორჯერ ვაქცინირებულ პირებში ინფიცირების მაჩვენებელი ძალიან დაბალი — 0,8%-ია. გაბუნიას თქმით, ვაქცინირებულ პირებში საქართველოში გარდაცვალების არცერთი შემთხვევა არ ფიქსირდება.

"ორჯერ ვაქცინირებულ პირებში, ჩვენი ქვეყნის მონაცემებით, ძალიან დაბალია ინფიცირების მაჩვენებელი. ასევე, დაბალია მაჩვენებელია ერთხელ ვაქცინირებულ პირებში. 0,3%-ია ორჯერ ვაქცინირებულებში და 0,8% — ერთხელ ვაქცინირებულ პირებში, რაც არის კიდევ ერთი დასტური იმისი, რამდენად მნიშვნელოვანია ვაქცინაცია და რამდენად დადებითი შედეგი აქვს ინფიცირების თავიდან აცილების მიზნით. ასევე, არცერთი გარდაცვალების შემთხვევაა ვაქცინირებულ პირებში არც ჩვენთან და ძალიან მცირე გარდაცვალების შემთხვები არის უცხო ქვეყნებში დაფიქსირებული. ამდენად, ვაქცინაციის მნიშვნელობა უდაოდ და ცალსახად არის ძალიან მაღალი და მინდა ყველას მოვუწოდო, გამოვიყენოთ ეს შესაძლებლობა და სწრაფად შევუერთდეთ ორჯერ ვაქცინირებულთა რიგებს", — განაცხადა გაბუნიამ.

Stop.cov.ge-ზე გამოქვეყნებული ინფორმაციის თანახმად, 6 ივლისის მონაცემებით, სულ აცრილია — 272 810, დღიურად — 3 667.