პარტია ლელოს თავმჯდომარე, მამუკა ხაზარაძე განმარტავს, რატომ არ დაუჭირა მხარი საარჩევნო კოდექსში შესატან ცვლილებებს.

"ეს იყო უცბად 40%-იანი მაჟორიტარების თემის შემოვარდნა ამ კოდექსში, რომელიც არ განხილულა ინტენსიურად და ბოლო დღეს იქნა ჩაწერილი. შარლ მიშელის დოკუმენტში ჩვენ მარტო ერთი ციფრი ვიცით, ეს არის 43%. სხვა პროცენტზე საუბარი არ ყოფილა. ასევე, ჩვენთვის მიუღებელია იმ პატარა პარტიების დასჯა, რომელიც ქართულმა ოცნებამ გადაწყვიტა. ხომ წარმოუდგენელია, რომ მამუკა ხაზარაძე ლეიბორისტული პარტიების ინტერესებს იცავს, მაგრამ, ასეა — სამართლიანობა სამართლიანობაა", — განაცხადა მამუკა ხაზარაძემ.

გუშინ პარლამენტმა საარჩევნო კოდექსის ცვლილებები დაამტკიცა. ცვლილებებზე ევროპული საბჭოს პრეზიდენტის, შარლ მიშელის ინიციატივით შექმნილ დოკუმენტშია განსაზღვრული. ლელო მიშელის დოკუმენტზე ხელმომწერი ერთადერთი პარტიაა, რომელმაც აღნიშნულ ცვლილებებს მხარი არ დაუჭირა.

საარჩევნო კოდექსის ცვლილებები რამდენიმე საკითხს მოიცავს. მათ შორის, 40%-იანი ბარიერის დაწესებას საკრებულოს მაჟორიტარი დეპუტატობის კანდიდატებისთვის. ასევე, ცესკოს წევრობის უფლების ჩამორთმევა პარტიებისთვის, რომლებმაც უარი თქვეს საპარლამენტო მუშაობაზე და შესაბამისად, არ იღებენ დაფინანსებას ბიუჯეტიდან.

გაიგე მეტი საარჩევნო კოდექსში შესატან ცვლილებებზე: