დაავადებათა კონტროლის ცენტრის ხელმძღვანელი, ამირან გამყრელიძე უარყოფს მედიაში გავრცელებულ ინფორმაციას, რომ გადადგომას აპირებს. თანამდებობის დატოვების შესახებ მას საკოორდინაციო საბჭოს სხდომის შემდეგ ჰკითხეს.

"ჯერ არ გადავმდგარვარ და რა ვქნა... ძალიან თუ გინდათ, არ ვიცი რომელ არხს წარმოადგენთ თუ ძალიან გინდათ მითხარით, მითხრას თქვენმა ხელმძღვანელმა, რომ ძალიან მინდა ამირან გამყრელიძე გადადგეს და იქნებ გაგიწიოთ ანგარიში მერე", — უთხრა გამყრელიძემ ერთ-ერთ ჟურნალისტს.

ამირან გამყრელიძის სავარაუდო გადადგომის შესახებ ინფორმაცია 28 ივნისს მთავარმა არხმა წყაროზე დაყრდნობით გაავრცელა. არხის ინფორმაციით, თანამდებობის დატოვების მიზეზი ჯანდაცვის მინისტრთან კონფლიქტია.