ჯანდაცვის მინისტრის, ეკატერინე ტიკარაძის განცხადებით, Pfizer-ის ვაქცინის შემოტანის ზუსტი თარიღი იციან, თუმცა კონტაქტის პირობებიდან გამომდინარე ვერ ასახელებენ.

"მწარმოებელთან გარკვეული მოლაპარაკებების საფუძველზე, რაც კონფიდენციალურობისა და გაუთქმელობის ხელშეკრულებას გულისხმობს, არ გვაქვს უფლება დავასახახელო მნიშვნელოვანი დეტალები, რაც მესმის, რომ საზოგადოებას აინტერესებს. იცით, რომ მილიონ დოზაზე მეტი ფაიზერის ვაქცინა შემოვა საქართველოში. იქნება მისი ეტაპობრივი მოწოდება და ყველა მოქალაქისთვის ხელმისაწვდომი გახდება", — აღნიშნა ჯანდაცვის მინისტრმა.

ტიკარაძემ, ასევე, თქვა, რომ Sinoparm-ისა და Sinovac-ის მილიონი დოზა საქართველოში კვირის ბოლოს შემოვა.

"იმ მწარმოებლებთან, სადაც ეს კონფიდენციალურობა დაცული არ არის სავალდებულო რომ იყოს, შეგვიძლია დაგიდასტუროთ, რომ მილიონი ვაქცინა, ნახევარი მილიონი Sinopharm და ნახევარი მილიონი Sinovac უკვე კვირის ბოლოს საქართველოში უნდა იყოს. შესაბამისად, შემდეგი კვირის დასაწყისიდან ამ ვაქცინებით შეგვიძლია დავიწყოთ მასობრივი ვაქცინაცია", — აცხადებს ტიკარაძე.