ცოტა ხნის წინ ინტერნეტსივრცე იურისტის გამოცდაში კიმ კარდაშიანის მიერ განცდილი მარცხის შესახებ ალაპარაკდა. რეალითი შოუს ვარსკვლავმა, რომელიც იურისტობას აპირებს, განაცხადა, რომ სამართალმცოდნეობის სწავლის გასაგრძელებლად საჭირო გამოცდა ვერ ჩააბარა. სამწუხაროდ, კიმს არც მეორედ გაუმართლა და გამოცდაში ისევ ჩაიჭრა.

ამის შესახებ კიმმა ცნობილი ამერიკული რეალითი შოუს, Keeping Up With the Kardashians-ის ბოლო სერიაში განაცხადა. კიმმა გამოცდის ხელახლა ჩაბარება ნოემბერში სცადა მაშინ, როდესაც კორონავირუსი ჰქონდა. მეორე გამოცდაზე კიმმა შედარებით დაბალი ქულა მიიღო.

"კოვიდი გქონდა, შენს მეორმოცე დაბადების დღეს აღნიშნავდი, პირად ცხოვრებაში, ურთიერთობაში უამრავ რამეს უმკლავდები, კარანტინიც იყო, ამიტომ არ მგონია, რომ მეორე ცდა ითვლება", — დაამშვიდა კიმი ქლოი კარდაშიანმა.

მართლაც, კიმ კარდაშიანი წელს უამრავი გამოწვევის წინაშე აღმოჩნდა, რომელთაგან ერთ-ერთი კანიე ვესტთან დაშორებაა.

კიმმა აღნიშნა, რომ დამწუხრებულია, თუმცა ამან არ უნდა დასტრესოს და მომავალში უკეთეს შედეგს მიაღწიოს — ის გამოცდაზე გასვლას მესამედაც გეგმავს. როგორც ჩანს, კიმი დანებებას ჯერ არ აპირებს და იურისტობისა და საკუთარი იურიდიული ფირმის გასახსნელად ბრძოლას გააგრძელებს.

ამავე თემაზე: