ფეხბურთელი გურამ კაშია სამეგრელოს მუნიცპალიტეტის სოფელ ხეთაში მოზარდებს შეხვდა. კამპანიის კაცების ზრუნავენ ფარგლებში ის მათთანასწორობაზე, ტოლერანტობაზე, არაძალადობრივი ურთიერთობებსა და სხვა ესაუბრა. შეხვედრა გაეროს მოსახლეობის ფონდის (UNFPA) საქართველოს ოფისის, საქართველოს ფეხბურთის ფედერაციისა და საფეხბურთო კლუბ თბილისის ლოკომოტივის ინიციტივით შედგა.

შეხვედრას ესწრებოდნენ ხეთას ადგილობრივი საფეხბურთო სკოლის ასაკობრივი გუნდების და ხობის "კოლხეთის" გოგონათა გუნდის ფეხბურთელები.

"ძალიან საინტერესო შეხვედრა შედგა ბავშვებთან. სასიამოვნო იყო მათთან საუბარი ფეხბურთზე, თანასწორობაზე... ფეხბურთი ყველასია: დიდის, პატარის, კაცის, ქალის.... ქალთა ფეხბურთი ძალიან ვითარდება. იმ ქვეყნებში, სადაც მე მიცხოვრია — ჰოლანდიასა და ამერიკაში ეს სპორტი ძალიან პოპულარულია ქალებშიც და მინდა, რომ რაც შეიძლება მეტმა გოგომ ითამაშოს ფეხბურთი საქართველოში", — განაცხადა გურამ კაშიამ შეხვედრის დასრულების შემდეგ.

ფოტო: ირაკლი ძნელაძე/UNFPA Georgia

შეხვედრაში მონაწილეობდნენ გაეროს მოსახლეობის ფონდის (UNFPA) საქართველოს ოფისის ხელმძღვანელი ლელა ბაქრაძე, საქართველოს ფეხბურთის ფედერაციის ვიცე-პრეზიდენტი ნიკა ჯღარკავა და საფეხბურთო კლუბ ლოკომოტივის ტექნიკური დირექტორი გიორგი ყიფიანი. დისკუსიას უძღვებოდა ტელეწამყვანი და მწერალი ალექსანდრე ლორთქიფანიძე.