ორგანიზაცია პარტნიორობა ადამიანის უფლებებისთვის წარმომადგენელი, ანა აბაშიძე ამბობს, რომ ნინოწმინდის პანსიონის საქმეზე ერთ-ერთ მთავარ მოწმეს ემუქრებიან და მასზე ზეწოლას ახდენენ.

"ითხოვენ გაჩუმდეს თორემ რაც მოუვა ნახავს. ამ ადამინმა გამოძიებას უკვე მისცა პანსიონატში არსებულ ვითარებაზე ჩვენება. ორი დღეა ვითხოვთ ამ ადამიანის და მისი ოჯახის დაცვას პროკურატურისგან. არაფერს აკეთებენ. აი, არაფერს", — წერს ანა აბაშიძე ფეისბუქზე.

აღნიშნულ საქმეზე On.ge პროკურატურას დაუკავშირდა. უწყებაში აცხადებენ, რომ განცხადებას მოგვიანებით გაავრცელებენ.