ხვალ, 11 საათზე, საქართველოს უზენაეს სასამართლოსთან ცხრა პოლიტიკური პარტიისგან შექმნილი საკოორდინაციო საბჭო აქციას გამართავს. აქცია ტელეკომპანია რუსთავი 2-ის მხარდასაჭერად იგეგმება. ამის შესახებ ინფორმაციას საკოორდინაციო საბჭოს ერთ-ერთმა წევრმა ნაციონალური მოძრაობიდან, ნუგზარ წიკლაურმა დღეს, 12 საათზე გამართულ ბრიფინგზე განაცხადა.

წიკლაური საზოგადოებასა და პოლიტიკურ პარტიებს მოუწოდებს უზენაეს სასამართლოსთან რუსთავი 2-სა და სიტყვის თავისუფლების დასაცავად შეიკრიბონ.

საქართველოს უზენაეს სასამართლოში ხვალ რუსთავი 2-ის სასამართლო პროცესი იმართება.