ამერიკის შეერთებული შტატების სახელმწიფო მდივნის თანაშემწის მოვალეობის შემსრულებელი, ფილიპ რიკერი საქართველოს ეწვევა. ვიზიტი 6-13 ივნისს შედგება და მოიცავს სომხეთსა და აზერბაიჯანში ჩასვლასაც. სახელმწიფო დეპარტამენტის ინფორმაციით, მიზანი ორმხრივი და რეგიონული პრიორიტეტების წინ წამოწევა და აშშ-ის მხრიდან რეგიონში დემოკრატიული და ეკონომიკური განვითარების ხელშეწყობაა.

რიკერი საქართველოში შეხვდება როგორც ხელისუფლების, ასევე, ოპოზიციისა და სამოქალაქო საზოგადოების წარმომადგენლებს. სახელმწფო დეპარტამენტის თანაშემწის მოვალეობის შემსრულებელი ამ შეხვედრებზე შარლ მიშელის დოკუმენტის შესრულებას, ასევე, საქართველოს მიმართ რუსეთის აგრესიასა და ოკუპაციას განიხილავს.

ცნობილია, რომ ფილიპ რიკერი პრესკონფერენციასაც გამართავს, სადაც ჟურნალისტების კითხვებს უპასუხებს.

რაც შეეხება სომხეთსა და აზერბაიჯანს, რიკერი ხელისუფლებასა და სამოქალაქო საზოგადოებასთან, ასევე, ბიზნესის წარმომადგენლებთან გეგმავს შეხვედრას, სადაც ორმხრივ პრიორიტეტებსა და ყარაბაღის კონფლიქტთან დაკავშირებულ საკითხებს განიხილავს.

ფილიპ რიკერი საქართველოში გასულ წლებშიც იმყოფებოდა, თუმცა ბოლოს — 2020 წლის ნოემბერში. სწორედ ის დატოვა სახელმწიფო მდივანმა, მაიკ პომპეომ არჩევნების შემდეგ ოპოზიციასა და ხელისუფლებას შორის მოლაპარაკებებზე.

აღსანიშნავია, რომ რამდენიმე დღის წინ საქართველოს სენატორები: ჯინ შაჰინი და რობ პორტმანიც სტუმრობდნენ.