დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მესამე ტალღის პიკი, შეიძლება ითქვას, რომ გადავლილია. მისი თქმით, ქვეყანაში ეპიდსიტუაციას გაუმჯობესების ტენდენცია აქვს.

"ზოგადად, რომ შევაჯამოთ, მესამე ტალღის პიკი, შეგვიძლია ვთქვათ, რომ გადავლილია და დღეს ჩვენს ქვეყანაში ეპიდსიტუაციას აქვს ტენდენცია გაუმჯობესებისაკენ, მაგრამ ეს საკმაოდ ნელი ტემპით მიმდინარეობს. ამიტომ უნდა ვიყოთ ძალიან ფრთხილად, მით უმეტეს, რომ პირველი ივნისიდან მთელი რიგი შეზღუდვები მოიხსნა, ქვეყანაში გაიხსნა საზღვრები სახმელეთო და მოსალოდნელია ტურისტების საკმაოდ დიდი ნაკადების შემოსვლა", — თქვა გამყრელიძემ.

2 ივნისის მონაცემებით, საქართველოში კორონავირუსის 954 ახალი შემთხვევა დადასტურდა, გამოჯანმრთელდა 896, ხოლო გარდაიცვალა — 30 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: