ამერიკის პრეზიდენტი დონალდ ტრამპი დარწმუნებულია, რომ ბარაკ ობამა მის წინააღმდეგ გამართული აქციების უკან დგას. ამის შესახებ მან ფოქსთან ინტერვიუში განაცხადა.

CNN-ის ცნობით, ამის შესახებ კითხვა ტრამპს თავად ჟურნალისტმა დაუსვა.

"მე ვფიქრობ რომ ამის უკან ის [ბარაკ ობამა] დგას, ეს პოლიტიკაა, პოლიტიკა ასეთია. ვერასდროს გაიგებ, რა ხდება კულისებს მიღმა, შესაძლოა ყველაფერი ზუსტად მართლაც ასეა, თუმცა დანამდვილებით ვერაფერს ვიტყვი. სავარაუდოდ ეს გაგრძელდება".

თვის დასაწყისში, დონალდ ტრამპმა ასევე Fox News-სთვის მიცემულ ინტერვიუში განაცხადა, რომ მას მოსწონს ამერიკის ყოფილი პრეზიდენტი ბარაკ ობამა, რომლის მიმართაც აქამდე მწვავე განცხადებებით გამოირჩეოდა.