დეკანოზ გიორგი მამალაძის დღეისთვის ჩანიშნული დაკითხვა ჩაიშალა. მამალაძის ადვოკატებსა და პროკურატურას მიზეზების განსხვავებული ვერსიები აქვთ.

ადვოკატების განცხადებით, მამალაძე თავს შეუძლოდ გრძნობს და სწორედ ამიტომ თქვა უარი დაკითხვაზე:

"ადამიანს აქვს 35,4 სიცხე, აქვს ციება, აქვს ღებინება, აქვს დაბალი არტერიული წნევა - ადამიანი არის ცუდად. ამ დროს ექიმი ოთარ ტრაპაიძე ამბობს, რომ მისი ჯანმრთელობის მდგომარეობა ნორმალურია, რაც აბსურდია."

პროკურორის თქმით, კი მამალაძე ორჯერ გასინჯეს ექიმებმა და დაადგინეს, რომ მისი ჯანრთელობის მდგომარეობა ნორმალურია. მისივე თქმით, ბრალდებულმა განზრახ ჩაშალა დაკითხვის პროცესი:

"უკვე მერამდენე შემთხვევაა, როცა ბრალდებულმა ჩაშალა დაკითხვის პროცესი. იგი თავისუფლად გადაადგილდება და საუბრობს. როცა საათების განმავლობაში ხვდება ადვოკატს და ესაუბრება, როგორ შეიძლება აიხსნას ის ფაქტი, რომ ჩვენთან საუბარი მას არ შეუძლია. საერთოდ უარი განაცხადეს გამომძიებლებთან შეხვედრაზე. ბრალდებულმა და ადვოკატებმა იცოდნენ თუ რა საკითხებზე ვისაუბრებდით დღეს."

ციანიდის საქმეში ბრალდებულ დეკანოზს გიორგი მამალაძე გუშინ, 27 თებერვალს რვა საათზე მეტი დროის განმავლობაში კითხავდნენ, თუმცა ეს დრო საკმარისი არ აღმოჩნდა პროკურატურისთვის ყველა კითხვაზე პასუხის მისაღებად.

გაიგეთ მეტი: ციანიდის საქმე.